سەرچاوەیەک لە کازاخستان: ڕووسیا دەستی هەیە لە خستنەخوارەوەی فڕۆکەی وڵاتەکەمان

ئاڤا نیوز

 

سەرچاوەیەکی نزیک لە حکومەتی کازاخستان بۆ یۆرۆ نیوز ئاشکرایکردووە، فڕۆکە نەفەر هەڵگرەکەی کازاخستان بە هەڵە لەلایەن سیستمی بەرگری ڕووسییەوە کراوەتە ئامانج. 

 

چیرۆکی سەرەکی: دوێنی چوارشەممە، فڕۆکەیەکی کازاخستان کە 72 سەرنشینی هەڵگرتبوو لە شاری ئاکتا نزیک لە فڕۆکەخانەی گشتیی کەوتە خوارەوە، بەهۆیەوە 38 کەس گیانیان لەدەستدا و 29 کەسیش ڕزگار کران، حکومەت وەکو دەربڕینی هاوخەمی ڕۆژێک پرسەی سەرتاسەری ڕاگەیاند.

 

زانیاریی بەدەستهاتوو: سەرچاوەیەک لە حکومەتی ئەو وڵاتە بە یۆرۆ نیوزی ڕاگەیاندووە، مووشەکێکی ڕووسی فڕۆکە نەفەرهەڵگرەکەی پێکاوە و بەهۆیەوە کەوتووەتە خوارەوە. 

 

چی ڕوویدا؟ بەگوێرەی زانیاریی سەرچاوەکە، ئەو مووشەکەی ئاڕاستەی فڕۆکەکە کراوە لە کاتی ئۆپراسیۆنێکی ئاسمانی ڕووسی دابووە و ناوەڕاستی فڕۆکەکەی پێکاوە هەمەش بووەتە هۆی کەوتنەخوارەوەی. 

 

ئەمەش لەکاتێکدابووە پێشکەوتنەخوارەوەی، فڕۆکەکە داوای نیشتنەوەی فریاگوزاری لە ڕووسیا کردووە  بەڵام ڕێگەی پێنەدراوە بنیشێتەوە و داوای لێکراوە لە دەریای خەزیان بەرەو ئاکتاو بەردەوام بێت لە فڕین. 

 

لەلایەکی دیکەوە: بەپێی چوار سەرچاوە لە ئازەربایجانەوە کە بۆ رۆیتەرز قسەیان کردووە، فڕۆکەکە بە هەڵە لەلایەن سیستمی بەرگری رووسیاوە خراوەتە خوارەوە، بەپێی قسەی سەرچاوەکان، ناوچەی چیچان کە فڕۆکەکە لەوێوە چووەتە ناو رووسیا سیستمی بەرگری دژە درۆنی تێدا جێگیرکراوە بۆ خستنە خوارەوەی درۆنە ئۆکرانییەکان و ئەم فڕۆکەیەیان بە هەڵە پێکاوە.