چەندین هایبەری سەربازی دەگاتە دەست پاسەوانانی سنووریی عێراق

دلێر حەمە

 

فەرماندەی هێزەکانی سنووری عێراق، یەکەم وەجبەی ئۆتۆمبێلی جەنگی لە دەسەڵاتی پیشەسازیی سەربازی عێراق وەرگرت.

 

لێدوانی فەرمی: فەرماندەیی هێزەکانی سنووری عێراق بڵاوی کردەوە: بۆ پاڵپشتیکردنی هێزەکانی پاسەوانانی سنوور و بەرزکردنەوەی ئاستی سەربازییان، 12 ئۆتۆمبێلی جەنگی جۆری هایبەر گەیشتە دەستی ئەو هێزانە و کەوتە بوواری خزمەتگوزاری سەربازییەوە.

 

زانیاریی زیاتر: هێزەکانی پاسەوانانی سنوور ئەو ئۆتۆمبێلانەی لە دامەزراوەی پیشەسازی سەربازی کە سەر بە وەزارەتی بەرگریی عێراقە وەرگرت و بڕیارە لەداهاتوویەکی نزیکدا وەجبەی دووەمیش وەربگرێت.