عێراقچی: نامانەوێت ئاژاوە لە سووریا هەبێت

ئاڤا نیوز
 

وەزیری دەرەوەی ئێران جەخت لەسەر خواستی وڵاتەکەی دەکاتەوە بۆ بەرقەرابوونی ئاشتی و سەقامگیری لە سووریا.

 

وێنە گەورەکە: لەدوای کەوتنی دەسەڵاتی بەشار ئەسەد لە 8ـی دیسێمبەرەوە، دەستەی تەحریرولشام حکومەتێکی نوێی پێکهێناوە، بەمەبەستی دروستکردنی پەیوەندی نوێ وڵاتانی جیهان و ناوچەکە گەڕی سەردانی دیبلۆماسییان بۆ ئەو وڵاتە دەستپێکردووە.

 

چی ڕوودەدات: وەزیری دەرەوەی ئێران پەیامێک ئاڕاستەی وڵاتانی ئەندامی کۆمکاری عەرەبی کرد و خواستی ئێران سەبارەت بە حکومەتی نوێی سووریا خستەڕوو. 

 

لێدوانی فەرمی: عەباس عێراقچی، وەزیری دەرەوەی ئێران لە پەیامەکەیدا سەبارەت بە پێشهاتەکانی سووریا ڕایگەیاند،'' ئێمە پیشتیووانی لە یەکپارچەیی خاکی سووریا دەکەینەوە، هەموو جۆرە دەستوەردانێکی دەرەکیش ڕەتدەکەینەوە، ناهێڵین سووریا ببێتە مەیدانی تیرۆر''. 

 

لەلایەکی دیکەوە: ئەسعەد حەسەن شیبانی، وەزیری دەرەوەی سووریا پێشتر جەختی کردەوە کە ئێران پێویستە ڕێز لە ئیدارەی گەلی سووریا بگرێت و هۆشداریشی پێداوە نابێت ئاژاوەگێڕی لە وڵاتەکەیان بکەن.