ئێران بە بەهای نۆ ملیار دۆلار کاڵای هەناردەی عێراق کردووە

گۆڤەند

هەناردەی کاڵای نانەوتی ئێران لەمساڵدا زیادیکردووە و لە ماوەی نۆ مانگی کۆتایی ئەمساڵدا بە بەهای 43 ملیار و 140 ملیۆن دۆلار هەناردەیان بۆ وڵاتان هەبووە.

 

وێنە گەورەکە: عێراق بەشێوەیەکی سەرەکی پشت بە داهاتی نەوتی دەبەستێت و گرنگییەکی ئەوتۆی بە فرەچەشنکردنی ئابوورییەکەی نەداوە، بۆیە بۆ پڕکردنەوەی پێداویستییەکانی پشت بە کاڵای وڵاتانی دیکە دەبەستێت، بەمەش بڕێکی زۆر لە پارەی ئەو وڵاتە بۆ دەرەوە دەڕوات.

 

لێدوانی فەرمی: فورود عەسکەری، یاریدەدەری وەزیری ئابووری و بەرپرسی گومرگی ئێران ڕایگەیاند: بەهای هەناردەی نا نەوتیی ئێران لەمساڵدا بە بەراورد بە هەمان ماوەی ساڵی ڕابردوو بە ڕێژەی 18% گەشەی تۆمار کردووە.

 

ژمارەکان وادەڵێن: سەبارەت به شوێنه سەرەکییەکانی هەناردەی ئێران لە ماوەی نۆ مانگی ڕابردوودا:

- چین، بە بەهای 11 ملیار دۆلار
- عێراق، بە بەهای 9.4 ملیار دۆلار
- ئیمارات، بە بەهای 5.3 ملیار دۆلار
- تورکیا، بە بەهای 5.2 ملیار دۆلار
- ئەفغانستان، بە بەهای 1.7 ملیار دۆلار
- پاکستان، بە بەهای 1.7 ملیار دۆلار
- هیندستان، بە بەهای 1.4 ملیار دۆلار