تەنها دوو کەس لە کەوتنەخوارەوەی فڕۆکەکەی کۆریای باشوور ڕزگار کراون

ئاڤا نیوز

 

فڕۆکەیەکی نەفەر هەڵگر لە تایلەندەوە بەرەو کۆریایی باشوور لە فڕیندابوو و پێش نیشتنەوەی تووشی پێکدادان دەبێت لەگەڵ بەربەستێکی کۆنکرێتی فڕۆکەخانەی موان، بەهۆیەوە تاوەکو ئێستا 179 کەس گیانیان لەدەستداوە و تەنها دوو کەس ڕزگار کراون.

 

وێنە گەورەکە: ئەمڕۆ یەکشەممە ئاژانسەکانی هەواڵ بڵاویانکردەوە، فڕۆکەیەکی نەفەر هەڵگر بە 181 سەرنشینەوە لە بانکۆکی تایلەندەوە بەرەو فڕۆکەخانەی موان لە کۆریای باشوور فڕیوە، پێش ئەوەی بگاتە ناوچەی نیشتنەوەی فڕۆکەخانە تووشی کێشەی تەکنیکی هاتووە و بووەتە هۆی لە کۆنتڕۆڵ دەرچوونی و خۆی بە بەربەستێکی کۆنکرێتیدا کێشاوە گڕی گرتووە. 

 

لێدوانی فەرمی: لی جیۆنگ هیون، بەرپرسی بنکەی ئاگر کوژێنەوە موان ڕایگەیاند: ژمارەی ئەو کەسانەی گیانیان لەدەستداوە بەرزبووەتەوە بۆ 179 کەس و دوو کەس لە تیمی فڕۆکەوانی ڕزگار کراون، ژمارەیەک کەسیش تاوەکو ئێستا بێسەروشوێنن. 

 

لی جیۆنگ هیون، باسی لەوەشکردووە، فڕۆکەکە پێش گەیشتنی بە ناوچەی نیشتنەوە تووشی کەشوهەوایەکی نالەبار بووە و پێشبینی دەکەین بە هۆی لێدان لە باڵندەوە تووشی ئەو گرفتە تەکنیکیە هاتبێت بوو بێتە هۆی لە کۆنتڕۆڵ دەرچوونی. 

 

زانیاریی زیاتر: ئەو فڕۆکەیەی لە موان کەوتەخوارەوە لەلایەن کۆمپانیای جێجو خاوەنداری دەکرێت و لە ساڵی 2011ەوە دامەزراوە و بە هێڵی کەم تێچووی کۆریای باشوور ناسراوە.