زیادەڕۆیی لەسەر ماستەرپلانی سلێمانی دەکرێت

ئاڤا نیوز

 

بۆ ماستەرپلانی سلێمانی ساڵی 2008 بە گوژمەی چوار ملیۆن و چوارسەد هەزار دۆلار گرێبەست لەگەڵ کۆمپانیایەکی ئەڵمانی بەناوی IGCE ی کراوە، بۆ ئەوەی نەخشە و فراوانکاری شارەکە دیزاین بکرێت، ئێستا ماستەرپلانەکە لە ئاسمان و زەوییەوە لەلایەن چەند پرۆژەیەکەوە شێوێنراوە، ئەمەش کاریگەریی نەرێنی لەسەر شارەکە دروست دەکات.

 

ئەوەی پێویستە بیزانیت: لە ماوەی 12 ساڵی ڕابردوو، 11 پرۆژەی جیاواز لە دەرەوەی نەخشە تایبەتەکانی ماستەرپلانی سلێمانی جێبەجێکراون، هاوکات لە هەندێک شەقامی دیاری سلێمانی بوونەتە هۆی دروستکردنی جەنجاڵی و مامۆستایەکی زانکۆش دەڵێت: لە داهاتوودا شەقامەکان تووشی جەنجاڵی و قەرەباڵخییەکی زۆر دەبنەوە.

 

لێدوانی فەرمی: شازاد جمال، مامۆستای زانکۆ و  ئەندامی دەستەی داکۆکی لە سرووشت و موڵکی سلێمانی دەڵێت، 12 پرۆژەی نیشتەجێبوون و گەشتیاری بەبێ گوێدانە ماستەرپلانی سلێمانی جیبەجێکراون، بەشی زۆری پرۆژەکانیش نیشتەجێبوونن.

 

لەلایەکی دیکەوە: لە ماوەی ڕابردووش دا چەندین چالاکی جیاواز لە دژی پرۆژەی بەرزاییەکانی سلێمانی ڕێکخراون، ناڕەزاییەتییەکان لەسەر بوونیادنانی پرۆژەکان بوو لە بەرزاییەکانی شارەکە، هاوکات وەک هەولێک بۆ تێکدانی سیما و ژینگەی شارەکە سەیر دەکران، لەلایەکی دیکەشەوە کاریگەریی لەسەر ئاژەڵ و زیندەوەرانی ناوچەکە دروست دەکات.

 

ماستەرپلان دانانی نەخشەیەکی دیاریکراوە بۆ گەشە و فراوانبوونی هەر پارێزگا و شار و ناوچەیەک تاوەکو چەند ساڵێکی دیاریکراو، دادەنرێت.