عێراقچی: نابێت دەستوەردانی دەرەکی لە کاروباری سووریادا هەبێت

ئاڤا نیوز

 

وەزیری دەرەوەی ئێران لە کۆنگرەیەکی ڕۆژنامەوانیدا جەخت لە ئاشتی و سەقامگیری سووریا دەکاتەوە.

 

وێنە گەورەکە: ئەمڕۆ وەزیری دەرەوەی ئێران لەگەڵ هاوتا عومانییەکەی لە تاران دیدارێکیان ئەنجامدا و لە دوای کۆبوونەوەکەیان کۆنگرەیەکی ڕۆژنامەوانیان سازکرد و هەردوولا هاوڕابوون لەسەر پشتگیریان لە حکومەتی نوێی سووریا. 

 

لێدوانی فەرمی: عەباس عێراقچی، وەزیری دەرەوەی ئێران لە کۆنگرەیەکی ڕۆژنامەوانیی ڕایگەیاند:- 

- جەختکردنەوە لە پێکهێنانی حکومەتی نوێی سووریا بە ئاشتی و سەقامگیری لە ناوچەکە.
- پێویستە دەستێوەردانی دەرەکی لە کاروباری سووریا نەبێت. 
- داوا دەکەین دەستدرێژییەکانی ئیسرائیل بۆ سەر غەززە بوەستێت و ڕێگە بدرێت بەدەستڕاگەیشتن بە هاوکارییە مرۆییەکان بۆ غەززە.