گرنگترین ئەو گرێبەست و ڕێککەوتنانەی کە عێراق لە ساڵی 2024دا ئەنجامی داون

ئاڤا نیوز

 

بە ئامانجی زیادکردنی بەرهەمهێنان و بەدەستهێنانی خۆبژێوی وزە، حکومەتی عێراق لە ساڵی 2024 دەیان گرێبەست و ڕێککەوتنی لەگەڵ وڵاتان واژۆ کردووە.

ئەوەی پێویستە بیزانیت: دیارترین گرێبەستەکانی عێراق بریتین لە پەرەپێدانی کێڵگەکانی نەوت و گاز لە ڕێگەی مۆڵەتی نوێوە. هاوکات پڕۆژەکانی دیکەی کەرتی وزە کە بریتیبوون لە بەستنەوەی تۆڕی کارەبا بە وڵاتانی دراوسێ و گرێبەستی بەرگریی بۆ بەهێزکردنی توانا سەربازییەکانی عێراق  پەیوەست بە کڕینی سیستەمی پێشکەوتووی بەرگریی ئاسمانی و فڕۆکەی جەنگی مۆدێرن.

 

لەم گرافیکەدا دیارترین ئەو لێکتێگەیشتن و ڕێککەوتنانەی کە حکومەتی عێراق لە ماوەی ساڵی 2024دا واژۆی کردوون دەخەینەڕوو:

 

کانوونی دووەمی 2024

1- درێژکردنەوەی ڕێککەوتنی دابینکردنی سووتەمەنی بۆ لوبنان.

2- ئیمزاکردنی گرێبەست بۆ بەستنەوەی بازاڕی کارەبای کەنداو بە عێراق.

3- دانوستان لەگەڵ سندووقی دراوی نێودەوڵەتی بۆ پێدانی قەرزی 6 ملیار دۆلاری بە ئامانجی کەمکردنەوەی کورتهێنانی بودجە و پاڵپشتیکردنی یەدەگی بیانی.

 

شوباتی 2024

1- ڕێککەوتنی دابینکردنی 40 مێگاوات کارەبا بۆ ناوچەی ڕوتبە لە ئوردن.

2- چوونە ناو پەیماننامەی نێودەوڵەتی ساڵی 1992 بۆ قەرەبووکردنەوەی زیانەکانی پیسبوونی نەوت.

3- گفتوگۆکان بۆ پەرەپێدانی هاوکاری لەگەڵ لاتڤیا و لیتوانیا لە بوارەکانی ڕاوێژی دوولایەنە و هاوکاری ئابووری و ئاسایش و تەندروستی.

 

ئازاری 2024

1- ڕێککەوتن لەگەڵ کۆریای باشوور بۆ کڕینی سیستەمی بەرگری ئاسمانی.

2- دانوستان لەگەڵ فەرەنسا بۆ کڕینی فڕۆکەی ڕافال.

3- پەرەپێدانی پاڵاوگەکان و کەمکردنەوەی هاوردەکردنی دیزل.

 

نیسانی 2024

1- کڕینی 41 فڕۆکەی جەنگی ئەمریکی لە میانی سەردانەکەی سوودانی بۆ ئەمریکا.

2- واژۆکردنی 26 ڕێککەوتن و یاداشتی لێکتێگەیشتن لەگەڵ تورکیا، لە میانی سەردانەکەی ئەردۆغان بۆ عێراق.

3- گرێبەستی وەرگرتنی قەرزی 50 ملیۆن دۆلار لەگەڵ ویلایەتە یەکگرتووەکان بۆ بانکی نیشتمانی عێراق بۆ پاڵپشتیکردنی کۆمپانیا بچووک و مامناوەندەکان.

4- پەرەپێدانی کێڵگەی غازی عەککاز لەگەڵ کۆمپانیای یوکرزم ریسورسز-ی ئۆکرانی.

 

ئایاری 2024

1- گرێبەستەکانی پەرەپێدانی کێڵگەکانی نەوت و گاز.

2- ڕێککەوتنی پەرەپێدانی تۆپخانەی عێراق بۆ دروستکردنی تۆپی 155 ملم لەگەڵ فەرەنسا.

 

حوزەیرانی 2024

1- تەرخانکردنی پێنج تریلیۆن دینار بۆ کڕینی چەکی جۆراوجۆر بۆ پڕچەککردنی هێزەکان.

2- گرێبەستی کڕینی هەشت سیستەمی بەرگریی ئاسمانی M-SAM لە کۆریای باشوور بە بەهای 2.63 ملیار دۆلار.

3- گرێبەستێک لەگەڵ کۆمپانیایەکی ئیتاڵی بۆ دروستکردنی بۆڕی نەوت لە کێڵگەی نەوتی زوبەیر بە بەهای 358 ملیۆن و 800 هەزار دۆلار

 

تەمووزی 2024

1- واژۆکردنی زنجیرەیەک گرێبەست بۆ دابینکردنی تۆپ و فڕۆکەی بێفڕۆکەوان و تانک و زرێپۆش لەگەڵ ڕووسیا و وڵاتانی ناتۆ.

2- واژۆکردنی گرێبەستی وەبەرهێنان بە بەهای 2.5 ملیار دۆلار

 

ئابی 2024

1- ئیمزاکردنی گرێبەستی پەرەپێدانی کێڵگەکانی نەوت و گاز.

2- ڕێککەوتن لەگەڵ کۆمپانیای "BP" بەریتانی بۆ پەرەپێدانی چوار کێڵگەی نەوت و گاز لە کەرکووک.

3- گرێبەستی کڕینی هەلیکۆپتەری گواستنەوەی سەربازی و سیستەمی بەرگری ئاسمانی لە فەرەنسا و کۆریای باشوور.

 

ئەیلوولی 2024

1- کڕینی هەلیکۆپتەری جەنگی H225M Caracal لەگەڵ کۆمپانیای ئێرباسی ئەوروپی.

2- گرێبەستی سیستەمی بەرگریی ئاسمانی M-SAM II لەگەڵ کۆریای باشوور.

3- سیستەمی بەرگریی ئاسمانی M-SAM لەگەڵ کۆریای باشوور بە بەهای 2.63 ملیار دۆلار.

4- سیستەمی بەرگریی ئاسمانی لەگەڵ کۆمپانیای کۆریای باشوور LIG Nex1 بە بەهای 2.8 ملیار دۆلار

 

تشرینی یەکەمی 2024

1- ڕێککەوتنی دابینکردنی گازی سروشتی لە تورکمانستان.

2- ئیمزاکردنی گرێبەست بۆ بەستنەوەی بازاڕی کارەبای کەنداو بە عێراق.

3- درێژکردنەوەی گرێبەستی دابینکردنی سووتەمەنی بۆ لوبنان.

 

تشرینی دووەمی 2024

1- گرێبەستی گەشەپێدانی پاڵاوگەی بەسرە بە بڕی 380 ملیۆن دۆلار.

2- ڕێککەوتنی هاوکاری سەربازی لەگەڵ شانشینی عەرەبستانی سعودیە.

 

کانوونی یەکەمی 2024

1- گرێبەستەکانی پەرەپێدانی ژێرخانی ئابووری لەگەڵ کۆمپانیا چینییەکان.

2- ڕێککەوتنی هاوکاری لە بواری وزەی نوێبوونەوە لەگەڵ یەکێتیی ئەوروپا.

3- ڕێککەوتنێکی نوێ لەگەڵ کۆمپانیای تۆتاڵی فەرەنسا.

4- گرێبەستی کڕینی دوو فڕۆکەی ئاگرکوژێنەوە لە کۆریای باشوور.

5- گرێبەستی دروستکردنی پێنج سایلۆ لەگەڵ دوو کۆمپانیای میسری و سویسری.