حەماس: ئەندامی نوێ بۆ ناو ڕیزەکانمان وەردەگرین

ئاڤا نیوز

حەماس سەرقاڵی وەرگرتنی ئەندامی نوێیە بۆ ناو ڕیزی چەکدارەکانی و ڕایشیدەگەیێنێت، ئیسرائیل توانای لەناوبردنیانی نییە. 

 

وێنە گەورەکە: لە ئۆکتۆبەری 2023ـەوە ئیسرائیل بە ئامانجی لەناوبردنی حەماس و گەڕاندنەوەی بارمتەکان هێرش دەکاتە سەر کەرتی غەززە. ئیسرائیل زیانی زۆری بە حەماس گەیاندووە، بەڵام حەماس لەناو نەچووە و ئێستاش دەیەوێت چەکداری نوێ بۆ ناو ڕیزەکانی وەربگرێت.

 

ڕاگەیێنراوی فەرمی: نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاند: ڕۆژی هەینی، 3-1-2025، شاندێکی دانوستانکاری ئیسرائیلی بۆ گفتوگۆکردن سەبارەت بە ئاگربەست دەچنە دەوحەی پایتەختی قەتەر.

 

هاوکات بڕیارە لە چەند ڕۆژی داهاتوودا کۆبوونەوەی کۆتایی سەبارەت بە ڕێککەوتنی ئاڵوگۆڕی دیلەکان لە قاهیرە ببەسترێت.