عەلوەی قوشتەپە بە تێچووی 22 ملیۆن دۆلار دەکرێتەوە

ئاڤا نیوز

 

بە تایبەتمەندیی جیاواز و سەردەمییانە، عەلوەی قوشتەپە دوای سێ ساڵ لە کارکردنی بەردەوام دەکرێتەوە، بەرپرسی کارگێڕی عەلوەکەش دەڵێت "تێچووەکەی 22 ملیۆن دۆلارە".

 

وێنە گەورەکە: بڕیارە کاتژمێر 03:30ی پاشنیوەڕۆی ئەمڕۆ هەینی بە ئامادەبوونی پارێزگاری هەولێر و قایمقامی قوشتەپە و ژمارەیەک بەرپرسی دیکە، عەلوەی قوشتەبە بکرێتەوە.

 

لێدوانی فەرمی: نزار خورشید، بەرپرسی کارگێڕی عەلوەی قوشتەپە، بە ئاڤا میدیا ڕاگەیاند: عەلوەکە بەستانداردی نوێ و سەردەمییانە دروست کراوە، ساردکەرەوە و گەرمکەرەوەی تێدایە، دەبێتە جێگرەوەی عەلوەی هەولێر.

 

زانیاریی زیاتر: عەلوەی قوشتەپە لەسەر ڕووبەری 47 دۆنم زەوی دروست کراوە، هەروەها 119 هۆڵی گەورە تێدایە.

 

زانیاریی بەدەستهاتوو: تێچووی عەلوەکە 22 ملیۆن دۆلارە، سارکەرەوە و گەرمکەرەوەی تایبەتی لەسەر ڕووبەری سێ هەزار مەتر چوارگۆشە بۆ دانراوە.

 

ئەوەی پێویستە بیزانیت: عەلوەی قوشتەپە لەلایەن کەرتی تایبەت بە پاڵپشتی حکومەتی هەرێمی کوردستان دروست کراوە.