ئێف بی ئای: هێرشکارەکەی نیو ئۆرلیانز بیرۆکەی داعشی هەبووە

ئاڤا نیوز 

 

ئێف بی ئای پێشتر ڕایگەیاندبوو کە ئەگەری هەیە هێرشەکەی نیو ئۆرلیانز بە هاوکاریی لەگەڵ کەسانی دیکە ئەنجام درابێت. 

وێنە گەورەکە: لە شەوی سەری ساڵدا بارهەڵگرێک لە شەقامی بۆڕبۆن لە شاری نیوئۆرلیانزی ئەمریکا خۆی دەکات بەناو کۆبوونەوەیەکی جەماوەریی کە بۆ ساڵی نوێ ڕێکخرابوو، لە ئاکامدا 14 کەس گیانیان لەدەستدا و نزیکەی 30 کەس بریندار بوون.

 

لێدوانی فەرمی: پۆلیسی فیدراڵیی ئەمریکا، ئێف بی ئای، ڕایگەیاند: شەمسەدین جەبار، هێرشکەرەکەی شەوی سەری ساڵ کە لە شاری نیو ئۆرلیانز 14 کەسی کوشت، بە تەنیایی ئەم کارەی کردووە و لە داعشەوە ئیلهامی وەرگرتووە.

 

زانیاریی زیاتر: هێرشکارەکە چەند کاتژمێرێک بەر لەوەی هێرشەکە ئەنجام بدات و بە ئۆتۆمبێل خەڵکی مەدەنی بشێلێت، لە هەژماری خۆی لە فەیسبووک چەند گرتەیەکی ڤیدیۆیی بڵاو کردووەتەوە و تیایاندا پشتیووانی لە داعش کردووە.

 

ئەوەی پێویستە بیزانیت: شەمسەدین جەبار، تەمەن 42 ساڵان کە پێشتر لە ڕیزەکانی سوپای ئەمریکا خزمەتی کردووە، لەلایەن پۆلیسەوە کوژرا.