بەهۆی گرفتی تەکنیکییەوە گەشتە ئاسمانییەکانی ئەڵمانیا دوا دەخرێن

ئاڤا نیوز 

 

بەهۆی بوونی کێشەی تەکنیکی لە سیستمی کۆمپیتەری پۆلیس ئەڵمانیا، گەشتە ئاسمانییەکانی ئەو وڵاتە دواخران. 

 

چیرۆکی سەرەکی: بەرپرسێکی ئەڵمانیا بە ئاژانسی فرانس پرێسی ڕاگەیاندووە، بەیانی ئەمڕۆ هەینی گەشتەکان لە فڕۆکەخانەی بەرلین براندنبێرگ لە ئەڵمانیا ڕاگیراون، بەهۆی بوونی "کێشەیەکی تەکنیکییەوە"، ئەمەش  لەکاتێکدا چەند وڵاتێکی دیکەش باسیان لەوە کردووە ئەمڕۆ ڕووبەڕووی گرفتی تەکنیکی بوونەتەوە.

 

لێدوانی فەرمی: جیرۆ ڤۆن ڤێگێساک وتەبێژی پۆلیسی ئەڵمانیا ڕایگەیاند: سیستەمی کۆمپیوتەری پۆلیسی فیدراڵی لەسەر ئاستی وڵات پچڕانێکی بەخۆیەوە بینیوە، ئەمەش پۆلیسەکانی ناچارکردووە بە دەستی ئەو ئەرکانە پشکنین بۆ بکەن کە لە دۆخی ئاسایدا بە شێوەیەکی ئەلیکترۆنی مامەڵەیان لەگەڵدا دەکرێت.

 

لەلایەکی دیکەوە: فڕۆکەخانەی دوسێلدۆرف ڕایگەیاندووە: تێکچوونی سیستمی کارکردنی ئایتی لەسەر ئاستی وڵات بووەتە هۆی دواکەوتنی چوونە ناوەوە و دەرچوون لە سنوورەکاندا.

 

زانیاریی زیاتر: سەرنشینەکان لە فڕۆکەخانەکانی دوسێلدۆرف فرانکفۆرت، هامبۆرگ، میونشن و بەرلین کاتی گەشتەکانیان دواکەوتووە و بۆ ماوەی چوار کاتژمێر گەشتەکان ڕاگیراون، هۆکارەکەشی دەگەڕێتەوە بۆ کێشەیەکی تەکنیکی لە سیستەمی زانیاریی فەرمانگەی پۆلیسی تاوانەکانی ئەڵمانیا.

 

بە تەنیشت ئەم بابەتەوە: هەر ئەمڕۆ هەینی دەسەڵاتدارانی ئوسترالیا ڕایانگەیاند کە ڕووبەڕووی گرفتی تەکنیکی بوونەتەوە لە سیستمی ئایتیدا، ئەمەش گرفتی بۆ پەخشی تەلەفزیۆنی نیشتمانی و فرۆکەخانەی نێودەوڵەتی و کۆمپانیاکانی پەیوەندی دروستکردووە. 

 

ئەمەش بزانە: گەورە کۆمپانیای هێڵی شەمەندەفەری بەریتانی بەیانی ئەمڕۆ هۆشداریدابوو لە هەڵوەشاندنەوە گەشتەکان بەهۆی دروستبوونی گرفتی تەکنیکی.