بانكی ناوەندیی عێراق لە چوار ڕۆژدا زیاتر لە ملیارێك دۆلار دەخاتە بازاڕەوە

ئاڤا نیوز

 

بانكی ناوەندی عێراق لە سەرەتای ئەمساڵەوە زیاتر لە یەك ملیار دۆلاری خستووەتە بازاڕەكانەوە.

 

وێنە گەورەكە: پێش ساڵی نوێ، بانكی ناوەندی عێراق وەك ئامادەكارییەك بۆ فرۆشتنی دۆلار بە كاش، بڕی فرۆشتنی دۆلاری كەمكردەوە و ئەمەش بووە هۆی بەرزبوونەوەی نرخی دۆلار و بەهای 100 دۆلاری ئەمریكی لە 150 هەزارەوە گەیشتە 151.750 هەزار دیناری عێراقی.

 

ڕاگەیێنراوی فەرمی: بەگوێرەی میدیا عێراقییەكان، بانكی ناوەندیی عێراق لە ماوەی چوار ڕۆژدا، بڕی یەك ملیار و 168 ملیۆن و 538 هەزار دۆلاری فرۆشتووە، واتا بەڕێژەی 292 ملیۆن و 133 هەزار بۆ هەر ڕۆژێك.

 

زانیاریی زیاتر: فرۆشتن بەشێوەی حەواڵەی دەرەكی لە ماوەی هەفتەی ڕابردوودا 91 ملیۆن و 984 هەزار و 738 دۆلار بووە، هاوكات بڕی فرۆشتن بەشێوەی كاش 76 ملیۆن و 550 هەزار دۆلار بوو.