وەزیری بەرگریی ڕووسیا: ژمارەی چەکدارانی داعش زیادیکردووە

ئاڤا نیوز

 

ڕووسیا هۆشداریی لە زیادبوونی ژمارەی چەکدارانی داعش دەدات و ئەفغانستانیش بە گەورەترین هەڕەشە بۆ سەر وڵاتانی ئاسیای نێوەڕاست دەزانێت.

 

لێدوانی فەرمی: سێرگی شۆیگۆ، وەزیری بەرگریی ڕووسیا ڕایگەیاند: "لە ماوەی ساڵی ڕابردوو ژمارەی چەکدارانی داعش بەڕێژەی 15% زیادی کردووە و پێشبینیش دەکرێت بەرهەمهێنان و بڵاوکردنەوەی ماددەی هۆشبەر لە وڵاتانی ئاسای نێوەڕاست زیاتر بێت".

 

ئەو وەزیرە گوتیشی: "ڕووسیا بۆ ڕووبەڕووبوونەوەی داعش هەنگاوی پێشگیرانە دەنێت و لەم چوارچێوەیەشدا لە مانۆڕی سەربازی لە تاجیکستان، قەزاقستان و قرغیزستان ئەنجام دەدات".

 

زانیاریی زیاتر: ڕووسیا پێشتریش هۆشداریی دابوو لەوەی کە هەرچەندە تاڵیبیان زیانی زۆری بە داعش گەیاندووە، بەڵام لقی خوراسانی داعش کە لە ئەفغانستانە، هەڕەشەیەکی جددییە لەسەر ئاسایشی ناوچەکە.