شاندی ئیمرالی سەردانی پارتە سیاسییەکانی تورکیا دەکات

ئاڤا نیوز

 

شاندی ئیمرالی کە لە ئەحمەد تورک، سری سورەیا ئۆندار و پەروین بوڵدان پێکدێن، لە چوارچێوەی سەردانەکەی ئیمرالی بۆ چارەسەری پرسی کورد، جگە لە ئیی پارتی، سەردانی سەرجەم پارتە سیاسییەکانی تورکیا دەکەن.

 

وێنە گەورەکە: چاوەکان لەسەر ئەنقەرەیە، شاندی دەم پارتی بە نوێنەرایەتی ئەحمەد تورک، سری سورەیا ئۆندار و پەروین بوڵدان، ئەمڕۆ سەردانی چەند پارتێکی سیاسی تورکیا دەکات، ئەمەش دوای سەردانەکەیان بۆ  ئیمرالی و بینینی عەبدوڵڵا ئۆجەلان، ڕێبەری پارتی کرێکارانی کوردستان، پەیامی ئۆجەلان بە پارتەکان دەگەیێنن و وەڵامی ئەوانیش جارێکی دیکە بۆ ئیمرالی دەبەنەوە.

 

چیرۆکی سەرەکی: شاندەکە کاتژمێر 11 لەگەڵ ئەحمەد داود ئۆغڵو، سەرۆکی پارتی ئایندەی تورکیا کۆبوونەوە، بڕیار وایە لە کاتژمێرەکانی داهاتوودا سەردانی ئاکپارتی و سەعادەت بکەن.

 

کاردانەوەکان: ئیی پارتی دژی ئەم پرۆسەیە و هەر لەسەرەتاوە ڕەتی کردەوە پێشوازی لە هەوڵەکانی دەستپێکردنی پرۆسەی چارەسەری بکات و موساڤات دارڤیشئۆغلو، سەرۆکی ئیی پارتی گوتی"من بە هیچ شێوەیەک تێکەڵی ئەم بابەتە نابم"، هەر بۆیە شاندەکە سەردانی ئیی پارتی ناکات. 

 

زانیاریی بەدەستهاتوو: بەپێی لیستی سەردانەکان دوای چاوپێکەوتنەکەی پارتی ئایندە، کاتژمێر 1:30 لەگەڵ ئاکپارتی و 3:30 لەگەڵ پارتی سەعادەت کۆدەبنەوە.

 

هەنگاوی داهاتوو: شاندی دەم پارتی ڕۆژی سێشەممە 7-1-2025، سەردانی عەلی باباجان، سەرۆکی پارتی دیڤا و فاتیح ئەرباکان سەرۆکی پارتی رەفایی نوێ دەکات.