ئەو زەویانەی سەوزەیان بە پاشەڕۆی زێراب ئاو دەدا تێکدران

ئاڤا نیوز 

 

سەرجەم ئە زیادەرۆیانەی سەر زەوی شارەوانی بە ناوی چاندنی سەوزە کرابوون لە شاری هەولێر تێکدران.

 

وێنە گەورەکە: بەشێک لە هاونیشتمانیان لەسەر زەوی کشتوکاڵی سەوزەیان دەچاند ئاوی ئاوەڕۆ و زێرابەکانیان بەکاردەهێنا  بۆ ئاودانیان، بەڵام لەبەر زیانی تەندروستی بۆ سەر هاونیشتمانیان لەسەر ڕاسپاردەی پارێزگاری هەولێر، بەرێوبەرایەتیی گشتیی کشتوکاڵی هەولێر، بەهەماهەنگی قایمقامیەتیی قەزای ناوەندیی هەولێر، شوێنەکان تێکدران.

 

ڕاگەیێنراوی فەرمی: پارێزگاری هەولێر، ڕایگەیاند: سەرجەم ئەو زیادەرۆیانەی سەر زەوی شارەوانی بە ناوی چاندنی سەوزە کرابوون وەلانانران، کە بەشێوەی ناتەندروستی ئاوی ئاوەرۆ و زێرابەکانیان بۆ ئاودانیان بەکار دەهێنا، دواتر دەبوونە هۆکاری گواستنەوەی نەخۆشی بۆ هاووڵاتییان.

 

ئەوەی پێویستە بیزانیت: لە ماوەی ڕابردوو بەشێک لە جووتیاران لەسەر زەوی کشتوکاڵی سەوزەیان دەچاند، بەڵام بەهۆی گلەیی هاونیشتمانیان و لەبەر تەندروستی گشتیی پارێزگاری هەولێر بڕیاریدا بە تێکدانی سەرجەم شوێنەکان.