ئاڤا نێوەڕۆکی کۆبوونەوەی شاندنی پارتی و یەکێتی ئاشکرا دەکات

ئاڤا نیوز

 

پێشنیوەڕۆی ئەمڕۆ شاندی تەکنیکی پارتی دیموکراتی کوردستان و یەکێتیی نیشتمانیی کوردستان لە بارەگای مەکتەبی سیاسیی یەکێتی لە هەولێر کۆبوونەوە، ئەمە سێیەم کۆبوونەوە بوو لەنێوانیان، هەر ئەم هەفتەیە هەردوو حیزب لەسەر ئاستی باڵا جارێکی دیکەش کۆدەبنەوە. 

 

وێنە گەورەکە: تاوەکو ئێستا سێ کۆبوونەوە لەنێوان پارتی و یەکێتی بۆ پرسی پێکهێنانی حکومەت لە دەباشان و پیرمام کراوە، بەگوێرەی وتەی هەردوولایان کۆبوونەوەکان ئەرێنی بوون و هەنگاوی باشیان ناوە، بۆیە چاوەڕوان دەکرێت پێکهێنانی حکومەت زۆر نەخایەنێت.

زانیاریی تایبەت: سەرچاوەیەکی باڵا لە نێو کۆبوونەوەکە بە ئاڤا نیوزی ڕاگەیاند، لەم کۆبوونەوەیەدا باس لە ئامادەکردنی بەرنامەیەکی هاوبەشی پارتی و یەکێتیی بۆ کابینەی دەیەمی حکومەتی هەرێمی کوردستان کراوە، هەروەها  بۆ دابەشکردنی دەسەڵاتەکان و نووسینەوەی کارنامەی حکومەت بووە لە چوار ساڵی داهاتوودا چی بکەن.

کۆبوونەوەکە ئەرێنی بووو، ڕۆژی پێنجشەممەش جارێکی دیکە کۆدەبنەوە بەڵام ئەمجارەیان لەسەر ئاستی باڵا، کۆبوونەوەکەش لە بارەگای مەکتەبی سیاسیی یەکێتی لە شاری هەولێر دەبێت. بۆ ئەوەی کارەکانی ئامادەکردنی بەرنامە هاوبەشەکەی نێوانیان بە زووترین کات تەواو بکەن.