وەزیری دەرەوەی نیوزلەندا: حەماس خراوەتە لیستی تیرۆرەوە

ئاڤا نیوز

 

نیوزلەندا تەواوی ڕێکخراوی حەماسی وەک رێکخراوێکی تیرۆریستی ناساند لەکاتێکدا پێشتر تەنیا کەتیبەکانی قەسام، باڵی سەربازیی حەماسی خستبووە لیستی تیرۆر.

 

لێدوانی فەرمی: وینستن پیتەرز، وەزیری دەرەوەی نیوزلەندا ڕایگەیاند: "تەواوی حەماس خراوەتە نێو لیستی تیرۆرەوە. سەرەرای ئەوەش هێشتا خوازیاری کۆتاییهاتنی تووندوتیژی و دەستپێکردنەوەی خێرای پڕۆسەی ئاشتین لە ڕۆژهەڵاتی نێوەڕاست".

 

وەزیری دەرەوەی نیوزلەندا گوتیشی: "سەرجەم داراییەکانی حەماس لە نیوزلەندا بلۆک دەکرێن و هەر جۆرە یارمەتیدانێکی ماددی بە حەماس قەدەغە دەکرێت".

 

زانیاریی زیاتر: نیوزلەندا پێیوایە هێرشی حەماس بۆ سەر ئیسرائیل، هێرشی سەرجەم بەشەکانی رێکخراوەکەیە و هەردوو باڵی سەربازی و باڵی سیاسی ڕۆڵیان تێیدا هەبووە بۆیە ئەو بڕیارەی داوە.