ئاڤا نیوز

دوای دوو ساڵ بۆشایی سیاسی، دانیشتنی پەرلەمانی لوبنان ڕێکخرا و و سەرۆککۆمارێکی نوێ هەڵبژێردرا.

چیڕۆکی سەرەکی: دوای دوو ساڵ دواجار ئەمڕۆ کۆبوونەوەی پەرلەمانی لوبنان بۆ هەڵبژاردنی سەرۆکی وڵات ڕێکخرا، لە خولی دووەمی دانیشتنەکەدا پرسی هەڵبژاردنی سەرۆککۆمار یەکلایی کرایەوە.

زانیاریی بەدەستهاتوو: ژەنەڕاڵ جۆزێف عەون، فەرماندەی سوپا لە کۆی 128 دەنگ توانی 99 دەنگ بەدەستبهێنێت و ببێتە سەرۆککۆمار، بۆ ماوەی شەش ساڵیش لە پۆستەکەدا دەمێنێتەوە.

باکگراوند: جۆزێف عەون لە دایکبووی 1964/9/10ە، لە ساڵی 2017ـەوە وەک فەرماندەی سوپای لوبنان کاری کردووە و لە هەڵبژاردنی سەرۆککۆماری لوبناندا بەهێزترین کاندید بوو.