عێراق سەرجەم هێڵەکانی فریاگوزاریی نیشتمانیی یەکخست

ئاڤا نیوز 

 

لە ئەمڕۆ پێنجشەممەوە 9-1-2025 عێراق سەرجەم هێڵەکانی فریاگوزاریی نشتیمانیی لە یەک هێڵدا یەکخست.

 

بۆچی گرنگە: ئەم پڕۆژەیە هەر 26 ژمارەی فریاگوزاری کە پێشتر کاری پێدەکرا بۆ ژمارە 911 یەکخست، بەمەبەستی وەڵامدانەوەی خێرا بۆ ڕووداو و حاڵەتی فریاگوزاریی خێرا.

 

لێدوانی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: ئەمڕۆ محەممەد شیاع سوودانی پرۆژەی یەکخستنی هەر 26 ژمارەی فریاگوزاری بۆ ژمارە 911 بەفەرمی کردەوە و کەوتە بواری جێبەجێکردنەوە.

 

زانیاریی زیاتر: ئەم پڕۆژەیە پەیوەندی هاووڵاتییان لە سەرجەم پارێزگاکانی عێراق وەردەگرێت، وەک ڕووداوی هاتوچۆ، ئاگرکەوتنەوە ، تاوان،  زانیاری ئەمنی، سکاڵا، لێپرسینەوە و ڕەوانەکردنی بۆ لایەنە پەیوەندیدارەکان، لە ڕێگەی (51) وێستگەی وەڵامدانەوەی لاوەکییەوە لەلایەن دەیان فەرمانبەری شارەزا لە  زمانەکانی عەرەبی، کوردی، تورکمان و ئینگلیزی لە سەرانسەری عێراقدا.