حووسییەکان کەشتییەکی فڕۆکەهەڵگری ئەمریکی بۆردوومان دەکەن

ئاڤا نیوز

 

حووسییەکانی یەمەن، بە ژمارەیەک مووشەک و فڕۆکەی بێفڕۆکەوان، کەشتی فڕۆکەهەڵگری ئەمریکی ترومانی لە باکووری دەریای سوور کردە ئامانج.

 

لیدوانی فەرمی: یەحیا ساری، گوتەبێژی هێزە چەکدارەکانی یەمەن ڕایگەیاند، کەشتیی فڕۆکەهەڵگری ئەمریکی یو ئێس ئێس هاری ترومان و ژمارەیەک لە کەشتییە جەنگییەکانی دیکەی ئەمریکا بە ژمارەیەک مووشەک و فڕۆکەی بێفڕۆکەوان لە باکووری دەریای سوور کراونەتە ئامانج، لەئاکامدا ترومان ناچاربووە ناوچەی باکووری دەریای سوور جێبهێڵێت.

 

لەلایەکی دیکەوە: میدیاکانی ئیسرائیل بڵاویانکردەوە، ئیسرائیل هێرشی کردووەتە سەر چەندین پێگەی گرووپی ئەنساروڵڵا لە یەمەن، هاوکات ئەمریکا و بەریتانیاش ژمارەیەک پێگەی حووسییەکانیان بۆردوومان کردووە. 

 

باکگراوند: لە سەرەتای دەستپێکردنی هێرشەکانی ئیسرائیل بۆ سەر کەرتی غەززە، حووسییەکان وەک پشتگیرییەک بۆ خەڵکی غەززە، کەشتییە بازرگانییەکانی ئیسرائیل و ئەمریکا و بەریتانیا لە دەریای سوور بە ئامانج دەگرێت.