سوپای پاسداران: ساڵانێکی زۆرە ئێران خۆی بۆ جەنگێکی گەورە ئامادەکردووە

ئاڤا نیوز

 

فەرماندەیەکی سوپای پاسدارانی ئێران ڕایدەگەیێنێ، وڵاتەکەی چەندین ساڵە خۆی بۆ جەنگێکی گەورە ئامادەکردووە.

لێدوانی فەرمی: لەمیانی کردنەوەی شارێکی مووشەکی سەر بە هێزەکانی سوپای پاسدارانی ئێران حوسێن سەلامی، فەرماندەی سوپای پاسدارانی ئێران ڕایگەیاند، "لە ڕووی سەربازییەوە ئێران چەندین ساڵە ئامادەکاریی دەکات و لە نزیکەوە چاودێری جمووڵەکانی دوژمن دەکات".

 

زانیاریی زیاتر: سەلامی گوتیشی، "با دوژمن بزانێت لە ژێر چاودێریدایە و هیچ هەنگاوێکی هەڵە نەگرێتە بەر.

 

ئەوەی پێویستە بیزانیت: ئەو فەرماندەیەی سوپای پاسدارانی ئێران ئاماژەی بەوەشدا، چەندین ساڵە ئێران ئامادەکاری بۆ جەنگێکی گەورە و درێژخایەن بەرامبەر بە زلهێزەکان دەکات. بە تایبەت دوای ڕووداوەکانی سووریا دوژمن هەوڵی تێکدانی دۆخی ئێران دەکات.