یەکێتیی ئەوروپا تاوتوێی لابردنی سزاکانی سەر سووریا دەکات

ئاڤا نیوز

 

وەزیرانی دەرەوەی یەکێتیی ئەورووپا 27ـی ئەم مانگە، تاوتوێی لابردنی ئەو سزایانە دەکەن کە لە سەردەمی دەسەڵاتی بەشار ئەسەد بەسەر ئەو وڵاتەدا سەپێنرا بوون.

 

چیرۆکی سەرەکی: بڕیارە 27-1-2025، وەزیرانی دەرەوەی یەکێتیی ئەورووپا بە بەشداری ئەسعەد شەیبانی، وەزیری دەرەوەی سووریا بۆ لابردنی سزاکانی سەر سووریا کۆدەبنەوە.

 

لێدوانی فەرمی: کایا کاڵاس، بەرپرسی سیاسەتی دەرەوەی یەکێتیی ئەورووپا لە تۆڕی کۆمەڵایەتی ئێکس ڕایگەیاند: "لابردنی سزاکان، 318 بەرپرس و کەسایەتی و 90 ڕێکخراو و کۆمپانیا دەگرێتەوە، کە پێشووتر کاریان لەگەڵ ڕژێمی بەشار ئەسەد کردووە.

 

کاڵاس دەشڵێت: ئێستا دەبێت ئیدارەی نوێی سووریا پرۆسەی ڕاگوزەری ئاشتیانە و گشتگیر دەست پێبکات کە نەتەوە جیاوازەکان بپارێزێت.

 

لەلایەکی دیکە: 12-1-2025، بە بەشداری ئەسعەد شەیبانی، وەزیری دەرەوەی سووریا، کایا کاڵاس، بەرپرسی سیاسەتی دەرەوەی یەکێتیی ئەوروپا لە ڕیازی پایتەختی سعودیە، کۆبوونەوەیەک بۆ تاوتوێکردنی دۆخی سووریا بەڕێوەچوو.