پووتین پێشوازیی لە ڕێککەوتنی نێوان حەماس و ئیسرائیل دەکات

ئاڤا نیوز

 

ڤلادیمێر پووتین، سەرۆکی ڕووسیا هەڵوێستی خۆی لەبارەی ڕێککەوتنی نێوان ئیسرائیل و حەماس ڕاگەیاند و دەڵێت، "هیواخوازین ڕێککەوتنەکە بەردەوام بێت".

 

وێنە گەورەکە: لە ڕۆژی 15-1-2025 و دوای 15 مانگ لە شەڕ و بۆردوومانی سەر کەرتی غەززە و کوشتی سەدان هاووڵاتی سڤیل، دواجار ڕێککەوتنی ئاگربەست و ئاڵوگۆرکردنی دیلەکانی نێوان ئیسرائیل و حەماس بە نێوەندگیریی ئەمریکا و قەتەر و میسر ڕاگەیێنرا و کاردانەوەی جیهانی بەدوای خۆیدا هێنا.

 

لێدوانی فەرمی: ڤلادیمێر پووتین، سەرۆکی ڕووسیا پێشوازی لە ڕێککەوتنی ئاگربەست و ئازادکردنی دیلەکان کرد و ڕایگەیاند: هواخوازین ئەم ڕێککەوتنە بەردەوام بێت و جێبەجێبکرێت، هاوکات جگە لە ئالۆگۆڕکردنی بارمتەکانی ئیسرائیل و  زیندانییە فەلەستین پێویستە ئاسانکاری بکرێت بۆ گەیاندنی خۆراک و سووتەمەنی و پێداویستی پزیشکی بۆ کەرتی غەززە.

 

لەلایەکی دیکەوە: لە بارەی قۆناغی دوای ڕێککەوتنەکە پووتین گوتی، پێویستە هەوڵەکان بەردەوام بن بۆ کۆتاییهێنان بە ململانێکانی نێوان هەردوولا و داننان بە دەوڵەتی سەربەخۆی فەلەستین.