لە دەوروبەری بەنداوی تشرین شەڕ بەردەوامە

ئاڤا نیوز

 

هێرشی چەکدارانی نزیک لە تورکیا بۆ سەر بەنداوی تشرین بەردەوامە و بەپێی هەواڵی میدیاکانی ڕۆژئاوای کوردستان، ڕووبەڕبوونەوەیەکی سەخت لەو ناوچەیە هەیە.

 

بڵاوکراوەی فەرمی: کەناڵی ڕۆناهی کە میدیایەکی ڕۆژئاوای کوردستانە ڕایگەیاند: لە دەورووبەری بەنداوی تشرین شەڕێکی سەخت لە نێوان هێزەکانی سووریای دیموکرات و گرووپە چەکدارەکان "سوپای نیشتمانی" دا هەیە، بەڵام ئاماژە بە زیانەکانی شەڕەکە نەکراوە.

 

ڕاگەیێنراوی فەرمی: بەپێی ڕاگەیێنراوی ڕوانگەی سووری بۆ مافەکانی مرۆڤ، لە 12ـی کانوونی دووەمی 2024، تاوەکو ئێستا زیاتر لە 400 کەس لە هەردوولا کوژراون.

 

زانیاریی زیاتر: لە نێو کوژراوەکاندا 36 هاووڵاتی سیڤیل هەن، پێنج لەوان ئافرەت و دووانیان منداڵن، هەروەها لە ساڵی 2025 دا 29 هێرشی ئاسمانی کراوەتە سەر ناوچەکانی ژێر دەسەڵاتی ئیدارەی خۆسەر، بە هۆیەوە 12 کەس گیانیان لەدەستداوە، کە حەوتیان هاووڵاتی سڤیلن، هاوکات دووانیان ئافرەت و سیانیشیان سەر بە هێزەکانی سووریای دیموکرات بوون.