شاندێکی عێراق بەمەبەستی پێشکەشکردنی هاوکاری دەچێتە لوبنان

ئاڤا نیوز

 

شاندێکی عێراقی لە دوو ڕۆژی داهاتوودا سەردانی لوبنان دەکات، مەبەست لە سەردانەکەشیان کۆبوونەوەیە لەگەڵ بەرپرسانی باڵای ئەو وڵاتە بە ئامانجی بەشداریکردن لە دووبارە ئاوەدانکردنەوە و پێشکەشکردنی هاوکاری مرۆیی و تەندروستی.

 

ڕاگەیێنراوی فەرمی: ستار جابری، وەزیری بازرگانیی عێراق لە بەیاننامەیەکدا ڕایگەیاند: ئەنجوومەنی وەزیران بڕیاریدا لیژنەیەک بە سەرۆکایەتیی خۆی کە چەند لایەنێک لەخۆ دەگرێت پێکبهێنێت، بە ئامانجی سەرپەرشتیکردن و خێراکردنی دابینکردنی هاوکاریی بەپەلە بۆ گەلی لوبنان و هەماهەنگی لەگەڵ حکومەتی لوبنان لەسەر میکانیزمەکانی دابینکردنی ئەم فریاگوزارییە و خۆراک و یارمەتییە پزیشکییەکان، کە لە دوای ڕاگەیاندنی ئاگربەستەوە دەستیپێکردووە.

 

زانیاریی زیاتر: حکومەتی عێراق لە سەرەتای جەنگی لوبنان و غەززە، کۆمەڵێک ڕێوشوێنی گرتەبەر بە ئامانجی دابینکردنی هاوکاری و بەشداریکردن لە هەڵمەتی ئاوەدانکردنەوەی وێرانکارییەکانی جەنگ.

 

ئەوەی پێویستە بیزانیت: ئەنجوومەنی وەزیرانی عێراق لە کۆبوونەوەی ئاسایی خۆیدا لە 19-11-2024، بڕیاریدا بە لێبڕینی 1%ی مووچەی فەرمانبەران و خانەنشینان بەشێوەی ئارەزوومەندانە بۆ هاوکاری گەلی فەلەستین و لوبنان