وەزارەتی خوێندنی باڵا فەرمانبەران لەبارەی خوێندنی ئێواران ئاگادار دەکاتەوە

ئاڤا نیوز

وەزارەتی خوێندنی باڵا و توێژینەوەی زانستیی هۆشداری دەداتە ئەو فەرمانبەرانەی کە لە دەرەوەی زانکۆکانی هەرێمی کوردستان دەخوێنن. بەهیچ جۆرێك بڕوانامەیان بۆ تەعدیل ناكرێت.

وێنە گەورەکە: ماوەیەكە بەشێك لە فەرمانبەرانی حكومی دوای دەوامی ئاسایی خۆیان لە كاتی بەیانییان، لە بەشی ئێوارانی زانكۆكانی دەرەوەی ئیدارەی حكومەتی هەرێمی كوردستان دەخوێنن، تەنانەت وەك پێویست پابەندی دەوامی زانكۆكەش نابن، بۆیە وەزارەتی خوێندنی باڵا و توێژینەوەی زانستیی حكومەتی هەرێمی كوردستان هۆشداری دەداتە ئەو فەرمانبەرانە كە بەهیچ جۆرێك بڕوانامەیان بۆ تەعدیل ناكرێت تەنانەت ئەگەر نووسراوی لارینەبوونی فەرمانگەی خۆشیان هەبێت.

نووسراوی فەرمی: وەزارەتی خوێندنی باڵا و توێژینەوەی زانستی بە نووسراوی فەرمی سەرجەم وەزارەت و فەرمانگە و زانكۆ حكومی و تایبەتەكانی هەرێمی كوردستان ئاگادار دەكاتەوە و ڕایگەیاند:

- ئەو فەرمانبەرانەی بەمجۆرە خوێندن تەواو دەكەن و ئەو بڕوانامەیەی بەدەستی دەهێنن، هیچ بەهای زانستی نییە.

- داواش لە سەرجەم وەزارەت و دەستە و دامەزراوە نەبەستراوەكان بە وەزارەتەكان دەكات ڕێگە بە كارمەندانی حكومەت نەدەن بەبێ مۆڵەتی خوێندن یان نووسراوی لاری نەبوونی وەزارەتی پەیوەندیدار بخوێنن.