تەندروستی جیهانی: بوونیادنانەوەی سیستەمی تەندروستی لە غەززە کارێکی قورس و ئاڵۆز دەبێت

 

ئاڤا نیوز

دوای جێبەجێکردنی ئاگربەستی نێوان ئیسرائیل و حەماس بڕیارە قۆناغی بونیادنانەوەی کەرتی غەززە دەستپێبکاتەوە و ڕێکخراوی تەندروستی جیهانی ڕایگەیاند، کارێکی قورس و ئاڵۆز دەبێت.

وێنەگەورەکە: دوای ساڵێک و 3 مانگ شەڕ و بۆردومانکردنی کەرتی غەززە لەلایەن سوپای ئیسرائیلەوە، کەرتی تەندروستی ئەو کەرتە بە تەواوی وێرانکرا و لە خزمەتگوزاری وەستا دوای جێبەجێکردنی ئاگربەست هەوڵ بۆ ئاوادەنکردنەوە و بوونیادنانەوەی دەدرێت.

لێدوانی فەرمی: تیدرۆس ئەدهانۆم، بەڕێوەبەری گشتیی ڕێکخراوی تەندروستیی جیهانیی ڕایگەیاند: دووبارە بوونیادنانەوەی کەرتی تەندروستی لە غەززە ئاڵۆز و قورس دەبێت، ئەمەش بەهۆی ڕادەی وێرانکاری و تێچووی ئەو کەرتە کە 10 ملیار دۆلاری پێویستە.

زانیاری زیاتر: ڕێکخراوی تەندروستی جیهانی بە پلانێکی 60 ڕۆژە هەوڵ دەدەن فریاگوزاری سەرەتایی، چارەسەری بەپەلە بۆ خەڵکی غەززە دابین بکەن و لە هەفتەی داهاتوودا نەخۆشخانەی مەیدانی ڕەوانەی کەرتی غەززە بکەن.