هاوپەیمانی عەزم: دەنگ بە هەموارکردنەوەی یاسای بودجە بدەن

ئاڤا نیوز

هاوپەیمانی عەزم داوای پەسەندکردنی هەموارکردنەوەی یاسای بودجە و دەستپێکردنەوەی هەناردەکردنی نەوتی هەرێمی کوردستان دەکات و دەڵێت لە ماوەی ڕابردوودا ڕاگرتنی نەوتی هەرێمی کوردستان زیانی زیاتر لە 18 ملیار دۆلاری بە ئابووری عێراق گەیاندووە

وێنە گەورەکە: یەکێک لەبڕگەکانی کارنامەی دانیشتنی ڕۆژی سێشەممەی پەرلەمانی عێراق، دەنگدانە لەسەر بڕگەی 12ـی هەمواری یاسای بودجە کە پەیوەندی بە دووبارە هەناردەکردنەوەی نەوتی هەرێمی کوردستانەوە هەیە.

لێدوانی فەرمی: موسەننا سامەڕایی، سەرۆکی هاوپەیمانی عەزم ڕایگەیاند

- هیوادارین سەرۆکی هاوپەیمانییەکان و ئەندامانی هاوپەیمانی ئیدارەی دەوڵەت و ئەندامانی ئەنجوومەنی نوێنەران یاسای هەموارکردنەوەی بودجە پەسەند بکەن بۆ دەستپێکردنەوەی هەناردەکردنی نەوتی هەرێمی کوردستان.

- ڕاگرتنی نەوتی هەرێمی کوردستان و بەشێک لە نەوتی کەرکووک لە ماوەی ڕابردوودا زیانی زیاتر لە 18 ملیار دۆلاری بە ئابووری عێراق گەیاندووە.