بەشێک لە هێزەکانی پێشمەرگە و زێرەڤانی لە وەرگرتنی زەوی نیگەرانن

 

ئاڤا نیوز

ژمارەیەک پێشمەرگەی زێرەڤانی لە سنووری ئیدارەی سەربەخۆی ڕاپەڕین، کە لە چوارچێوەی وەزارەتی ناوخۆ لە پرۆسەی وەرگرتنی زەوی سوودمەند دەبن پێیان وتراوە کە زەوییەکانیان لە دەرەوەی سنوورەکە بۆ تەرخان دەکرێت، ئەوانیش نیگەرانن.

وێنە گەورەکە: بەگوێرەی پلانێک وەزارەتی شارەوانی و گەشتوگوزار، زیاتر لە 300 هەزار پارچە زەوی لەسەرجەم ناوچەکانی هەرێمی کوردستان بەسەر فەرمانبەر و خانەنشینان دابەشدەکات، لە قۆناغی یەکەمدا زیاتر لە 10 هەزار کەس سوودمەند بوون و ئێستا مامەڵەی خاوەندارێتی زەوییەکان دەکەن.

لێدوانی فەرمی: ئاوارە کوێخا عەلی، بەڕێوەبەری گشتیی شارەوانییەکانی ڕاپەرین بە ئاڤای وت لە سەنتەری قەزای ڕانیە ناتوانین زەوی دابین بکەین، بۆیە زەوییەکان لە دەرەوەی سنوورەکە تەرخان دەکرێت و لەم چەند ڕۆژە دەست بە دابەشکردنیان دەکرێت.

لە لایەکی دیکەوە: سەرپەرشتیاری لیژنەی وردبینی دابەشکردنی زەوی، دەڵێت، "هەر کەسێک لە سنووری شوێنی نیشتەجێبوونی زەوی پێدەدرێت یاخود لە نزیکترین سنووری شارەوانی لێیەوە، شارەوانییەکان بەگوێرەی بارودۆخی خۆیان بڕیار لەسەر شوێنەکان دەدەن.