ئەحمەد شەرع:  ترەمپ ئاشتی بۆ ڕۆژهەڵاتی ناوەڕاست دەهێنێت

ئاڤا نیوز

 

ئەحمەد شەرع، بەرپرسی ئیدارەی نوێی سووریا پیرۆزبایی دەستبەکاربوونی لە دۆناڵد ترەمپ، سەرۆکی ئەمریکا کرد و دەڵێت، ترەمپ ئاشتی بۆ ڕۆژهەڵاتی ناوەڕاست دەهێنێت.

 

وێنە گەورەکە: ڕۆژی 20-1-2025، مەراسیمی  دەستبەکاربوونی دۆناڵد ترەمپ، وەک 47هەمین سەرۆکی ئەمریکا لە واشنتنی پایتەختی ئەمریکا بەڕێوەچوو و سەرۆک و سەرکردەکانی جیهان پیرۆزباییان لێکرد.

 

لێدوانی فەرمی: ئەحمەد شەرع، بەرپرسی ئیدارەی نوێی سووریا لە  بەیاننامەیەکدا ڕایگەیاند: ''دڵنیاین کە ترەمپ پێشەنگ دەبێت بۆ هێنانەدی ئاشتی بۆ ڕۆژهەڵاتیی ناوەڕاست و گەڕاندنەوەی سەقامگیری بۆ ناوچەکە، چاوەڕێی باشترکردنی پەیوەندییەکانمانین لەسەر بنەمای گفتوگۆ و لێکتێگەیشتن".

 

زانیاریی زیاتر: ئەحمەد شەرع و هێزەکانی تەحریرولشام لە لیستی تیرۆری ئەمریکا و وڵاتانی ڕۆژئاوان، لەگەڵ دەستبەکاربوونی دۆناڵد ترەمپ، چاوەکان لەسەر ئیدارەی نوێی ئەمریکان بۆ دەرهێنانی ئەحمەد شەرع و هەڵگرتنی سزا نێودەوڵەتییەکانی سووریا.