سەرکردەکانی جیهان پیرۆزبایی دەستبەکاربوونی ترەمپ دەکەن

ئاڤا نیوز

 

دوای سوێند خواردنی دۆناڵد ترەمپ و دەستەبەکاربوونی وەک سەرۆکی ئەمریکا, سەرۆک و سەرکردەکانی وڵاتانی جیهان پیرۆزبایی دەستبەکاربوونی لێدەکەن.

 

وێنەگەورەکە: ڕۆژی 20-1-2025 دۆناڵد ترەمپ، لە مەراسیمێکدا کە لە واشنتنی پایتەختی ئەمریکا بەڕێوەچوو سوێندی یاسایی خوارد و وەک 47ـەهەمین سەرۆکی ئەمریکا دەستبەکاربوو, هاوکات زۆربەی  سەرۆک و سەرکردەکانی جیهان پیرۆزباییان لە دۆناڵد ترەمپ کرد.

 

زانیاریی زیاتر: ئەو وڵاتانەی پیرۆزبایی دەستبەکاربوونیان لە ترەمپ کرد ئەمانەن:

هەرێمی کورستان: سەرۆکوەزیران مەسرور بارزانی پەیامێکی پیرۆزبایی ئاراستەی دۆناڵد ترەمپ کرد و ڕایگەیاند:

- بەبۆنەی دەستبەکاربوونی وەک سەرۆکی ویلایەتە یەکگرتووەکانی ئەمەریکا، پیرۆزبایی لە دۆناڵد ترەمپ و گەلی ئەمەریکا دەکەم.

- هاوبەشیی ستراتیژیی نێوان کوردستان و ئەمریکا و پەیوەندییەکانی نێوان گەل و هێزە چەکدارەکانمان بە پتەوی دەمێنێتەوە.

ڕووسیا: ڤلادیمێر پووتین، سەرۆکی ڕووسیا ڕایگەیاند:

 

- پیرۆزبایی لە دۆناڵد ترەمپ دەکەم بە بۆنەی دووبارە دەستبەکاربوونەوەی وەک سەرۆکی ئەمریکا، ئامادەین بۆ گفتوگۆکردن لەگەڵ ئیدارەی نوێی ئەمریکا سەبارەت بە ململانێکانی ئۆکراینا و ڕووسیا.

 

ئەڵمانیا: ئۆلاف شۆڵز، ڕاوێژکاری باڵای ئەڵمانیا ڕایگەیاند: 

ئەمریکا و ئەڵمانیا نزیکترین هاوپەیمانن لە سەردەمی ترەمپدا و هیوادارین پەیوەندییەکانمان بەردەوام بن.

 

ئۆکراینا: ڤۆلۆدیمێر زێلینسکی ڕایگەیاند:

هیوادارین ترەمپ بتوانێت سەقامگیری و ئاشتی بۆ  ئۆکراینا دەستەبەر بکات.

 

تورکیا: ڕەجەب تەیب ئەردۆغان ڕایگەیاند:

 
هوادارم خولی دووەمی سەرۆکایەتی ترەمپ  ببێتە هۆی خێر و خۆشی بۆ تەواوی جیهان.

ئیسرائیل: بنیامین نەتانیاهۆ، سەرۆکوەزیرانی ئیسرائیل ڕایگەیاند:

داهاتوویەکی باشمان لە پێشە لەگەڵ هاوپەیمانەکەمان، کارە هاوبەشەکانمان زیاتر بەرەو پێشەوە دەچن.

فەڵەستین: مەحموود عەباس، سەرۆکی فەڵەستین ڕایگەیاند: 

ئامادەین بۆ کاردکردن لەگەڵ ترەمپ بۆ چارەسەری کێشەی دوو وڵات و هێنانەدی ئاشتی لە ناوچەکە.

سووریا: ئەحمەد شەرع، بەرپرسی ئیدارەی نوێی سووریا ڕایگەیاند: 

''دڵنیاین کە ترەمپ پێشەنگ دەبێت  بۆ هێنانەدی ئاشتی بۆ ڕۆژهەڵاتی ناوەڕاست و گەڕاندنەوەی سەقامگیری بۆ ناوچەکە، چاوەڕێی باشتر کردنی پەیوەندییەکانمانین لەسەر بنەمانی گفتوگۆ و لێکتێگەیشتن".

 

قەتەر: شێخ تەمیم بن حەمەد،  ئەمیری قەتەر ڕایگەیاند: 

پیرۆزبایی لە دۆناڵد ترەمپ، سەرۆکی ئەمریکا کرد و هیوای سەرکەوتنی لە ئەرکەکانیدا و بەرەوپێشچوونی زیاتری لە پەیوەندییەکان نێوانیان خواست.

میسر: عەبدولفەتاح سیسی سەرۆکی  میسر ڕایگەیاند:

پیرۆزبای دەستبەکاربوونی لە ترەمپ کرد و جەختی لە بەردەوامی کارکردن و هاوکاری و پتەوکردنی پەیوەندییە ستراتیژییەکانی نێوان هەردوو کردەوە.

بەریتانیا: شا چارلزی سێیەم، شای بەریتانیا ڕایگەیاند: 

"پەیوەندی تایبەت و هەمیشەیی نێوان بەریتانیا و  ئەمریکا بەردەوام دەبێت''.

کەنەدا: جەستن ترۆدۆ، سەرۆکوەزیرانی کەنەدا ڕایگەیاند: 

کاتێک پێکەوە کار دەکەین بەهێزترین، سەرکەوتووترین هاوبەشی ئابووریمان هەیە . 

بەڕازیل: لویس ئیناسیو، سەرۆکی بەڕازیل ڕایگەیاند:

بەڕازیل و ئەمریکا پەیوەندییەکی مێژوویان هەیە لە سەردەمی ترەمپ.

هیندستان: ناریندرا موندی، سەرۆکوەزیرانی هیندستان ڕایگەیاند:

هیوادارین جارێکی دیکە پێکەوە کاربکەین بۆ بوونیادنانی داهاتوویەکی باشتر بۆ جیهان. 

مەکسیک: کلاودیا شینباوم، سەرۆکی مەکسیک ڕایگەیاند: 

داوای هاوکاری و ڕێزگرترن و گفتوگۆی زیاتری نێوان  مەکسیک و ئەمریکا دەکەین.