جارێکی دیکە بەنداوی تشرین بۆردوومان کرا و بریندار هەیە

ئاڤا نیوز

بەهۆی بۆردوومانێک بۆ سەر بەنداوی تشرین لە ڕۆژئاوای کوردستان، چەند کەسێک بریندار بوون.

چیرۆکی سەرەکی: بەهۆی بەردەوامی هێرشی گرووپە چەکدارەکانی نزیک لە تورکیا بۆ سەر بەنداوی تشرین، خەڵکی ڕۆژئاوای کوردستان پشتێنەی مرۆییان لەسەر بەنداوەکە دروست کردووە و مانگرتنیان ڕاگەیاندووە، هاوکات 14 جارە گردبوونەوەی خەڵک و کاروانی ئۆتۆمبێلەکانیان بۆردوومان دەکرێن.

زانیاریی سەرەتایی: کەمێک لەمەوبەر بەنداوی تشرین کە لەژێر دەسەڵاتی هێزەکانی سووریای دیموکرات دایە، بۆردوومان کراوە.

ئەوەی لەوبارەیەوە دەگوترێت: بەهۆی بۆردوومانەکەوە چەند کەسێک بریندارن، هاوکات چالاکوان و میدیاکانی هەسەدە تورکیا بە بۆردوومانەکە تۆمەتبار دەکەن.