ئەحمەد شەرع: پەیەدە وەڵامی بانگەوازەکەی ئێمە نادەنەوە

ئاڤا نیوز

ئەحمەد شەرع، سەرۆکی ئیدارەی نوێی سووریا دەڵێت پەیەدە وەڵامی داواکارییەکانی ئێمە ناداتەوە. هاوکات ئاماژە بەوەش دەکات کە پەکەکە و یەپەگە پرسی داعش بۆ خزمەتی بەرژەوەندییەکانی خۆیان بەکاردەهێنن.

لێدوانی فەرمی: لەمیانی چاوپێکەوتنێکی تەلەفزیۆنیدا لەگەڵ کەناڵی هەبەری تورکی، ئەحمەد شەرع ڕایگەیاند:

- پەکەکە و یەپەگە پرسی داعش بۆ خزمەتی بەرژەوەندییەکانی خۆیان بەکاردەهێنن. هاوکات تەنانەت یەکینەکانی پاراستنی گەلی کورد وەڵامی بانگەوازەکەی ئێمەیان نەدایەوە سەبارەت بە سنووردارکردن و کۆکردنەوەی چەک لە ژێر چەتری دەسەڵاتدا.

- بەهیچ شێوەیەک نامانەوێت ڕووبەڕووی ئیسرائیل و هیچ وڵاتێکی دیکە ببینەوە، هەڵوێستی خۆشمان دژی داگیرکاری ئیسرائیل ڕاگەیاندووە و ئەگەر ئیسرائیلیش بەم شێوەیە بەردەوام بێت، فشارەکانمان زیاد دەکەین، چونکە  ئێستا هیچ بیانوویەکیان بۆ داگیرکردن نەماوە.

- لەسووریا نوێی هیچ گڕۆپێکی چەکداری بیانی جێگەی نابێتەوە و مایەی قەبوڵکردن نییە.