وەزارەتی بەرگری تورکیا: هێزەکانمان لە سووریا دەمێننەوە

ئاڤا نیوز

وەزارەتی بەرگریی تورکیا، جەخت لە بەردەوامی چالاکییەکانی هێزە سەربازییەکانی تورکیا  لە سووریا دەکاتەوە، باس لەوە دەکات، ئەگەر پێویست بکات هێزەکان بۆ ناوچەکانی دیکەی سووریا جووڵە پێدەکەن.

 
ڕاگەیێنراوی فەرمی: ئەم ڕاگەیێنراوەی وەزارەتی بەرگری تورکیا، لە چوارچێوەی هەڵسەنگاندنەکانی دۆخی ناوچەکەیە، جارێکی دیکە جەخت لە بەرەنگاربوونەوەی پەکەکە دەکاتەوە و ئەوان بە داگیرکەر ناودەبات و ڕایگەیاند، "ناوچەکە لەوە زیاتر بەرگەی شەڕی تیرۆری نەماوە و پێویستە ئەو شوێنانە چۆڵ بکەن کە داگیرییان کردووە".

 

لەلایەکی دیکەوە: ئەنجوومەنی ئاسایشی تورکیا کۆبوونەوەیەکی ئەمنیان ڕێکخست و ڕایانگەیاند: بەردەوام دەبین لە هەوڵەکانمان بۆ لە ناوبردنی 'تیرۆر' و پشتیوانییە سەربازییەکانمان بۆ سووریا.

 

باکگراوند: تورکیا لە دوای کەوتنی دەسەڵاتی بەشار ئەسەدەوە لە 8-12-2024، وەک هێزی شاراوەی ئیدارەی نوێی سووریا کاردەکات، ڕۆڵی سەرەکی لە دامەزراندنی دەسەڵاتی نوێی ئەو وڵاتەدا هەیە.