زانیاری لەبارەی خانەنشینکردنی مامۆستایان ئاشکرا دەکرێت

ئاڤا نیوز

 

پرۆسەی خانەنشینکردنی مامۆستایان بەگوێرەی بڕیارەکەی ئەنجوومەنی وەزیران دەچێتەوە بواری جێبەجێکردنەوە، وەزارەتی پەروەردەش لەمبارەیەوە دەڵێت، 'بەشێک لە ئامارەکەمان بەدەست گەیشتووە، چاوەڕوانی ئەوانی دیکەین'. 

 

وێنە گەورەکە: ڕۆژی 15-1-2025، لە کۆبوونەوەی ئەنجوومەنی وەزیرانی هەرێمی کوردستان، بڕیاردرا هەر کەسێک بەگوێرەی ڕۆژ و مانگی لە دایکبوونی تەمەنی گەیشتبێتە 60 ساڵ خانەنشین دەکرێت.

 

زانیاریی تایبەت: ئاڤا لە وەزارەتی پەروەردەوە زانیاریی بەدەستگەیشتووە، بە بڕیاری حکومەتی هەرێمی کوردستان، بۆ ئەمساڵ زیاتر لە حەوت هەزار مامۆستا خانەنشین دەبن.

 

زانیاریی زیاتر: ژمارەی مامۆستایانی خانەنشین لە سەنتەری شارەکان بەم جۆرەیە، سلێمانی دوو هەزار و 825، هەولێر هەزار و  500 ، دهۆک هەزار و 560، بەڵام ئاماری هەڵەبجە و ئیدارە سەربەخۆکانی گەرمیان، ڕاپەڕین، سۆران و زاخۆ تاوەکو ئێستا بۆ وەزارەتی پەروەردە ڕەوانە نەکردووە.

 

ئەوەی پێویستە بیزانیت: بڕیارەکەی وەزارەتی دارایی و ئابووری بۆ کەسوکاری پلە یەک و پلە دووی شەهیدان، بۆ خانەنشینکردنیان نزیکەی دوو هەزار مامۆستا دەگرێتەوە.