ترەمپ داوا لە پووتین دەکات دەستبەجێ جەنگی ئۆکراینا بوەستێنێت

ئاڤا نیوز

دۆناڵد ترەمپ، سەرۆکی ئەمریکا، داوای کرد ڤلادیمیر پووتین، سەرۆکی ڕووسیا، دەستبەجێ جەنگی ئۆکراینا بوەستێنێت.

لێدوانی فەرمی: دۆناڵد ترەمپ گوتی:

- هەر لە سەرتاوە نەدەبوو  پووتین ئەم شەڕە دەستپێبکات و ئێستا پێویستە بیوەستێنێت.

- لەم شەڕەدا 850 هەزار سەربازی ڕووسی و 700 هەزار سەربازی ئۆکراینی کوژراون.

- ترەمپ هەڕەشەی سەپاندنی سزای بە سەر ڕووسیادا کرد ئەگەر شەڕەکە نەوەستێت.

لەلایەکی دیکەوە: ترەمپ ڕایگەیاند: ئەگەر ئەم جەنگە بە زوویی و بە نزیکەیی و دەستبەجێ چارەسەر نەکەن، من گومرکی زۆر گەورە و سزای زۆر گەورە و گەمارۆی گەورەش دەخەمە سەر ڕووسیا. ناشمەوێت ئەوە بکەم، لەبەرئەوەی من گەلی ڕووسیام خۆشدەوێت و ئەوان گەلێکی مەزنن، بەڵام دەبێت ئەم جەنگە کۆتایی پێبهێنین ئەگەر بە خێرایی ڕێککەوتنێک نەکەن، هەروەها زێلینسکی ئێستا دەیەوێت ڕێکبکەوێت و ئەو ماندوو بووە.