بۆ گەشەپێدانی ماسولكەكانی 70 دراوی كانزایی و موگناتیسی قووت دەدات

ئاڤا نیوز

پزیشکانی نەخۆشخانەی سێر گەنگا ڕام لە نیودەلهی پایتەختی هیندستان، ناچاربوون نەشتەرگەری بۆ گەنجێک بکەن کە زیاتر لە 70 دراوی کانزایی و موگناتیسی قووتدابوو.

چیرۆکی سەرەکی: لە نەخۆشخانەی سێر گەنگا ڕام لە نیودەلهی پایتەختی هیندستان، گەنجێک گەیێنرایە بەشی فریاکەوتن و بەپەلە نەشتەرگەری بۆ ئەنجامدرا بۆ دەرهێنانی 39 دراوی کانزایی و 37 موگناتیس لە گەدەیدا، بەپێی زانیارییەکان ئەم کانزا و موگناتیسانەی قووتداوە بۆ گەشەدان بە ماسوولکەکانی.

ئەوەی پێویستە بیزانیت: گەنجەکە تەمەنی 26 ساڵان بووە؛ کانزا و موگناتیسەکان ببوونە هۆی گیرانی گەدە و ڕیخۆڵەی گەنجەکە، بۆیە بڕیاردرا نەشتەرگەری بۆ بکرێت.