فراکسیۆنی پارتی لە پەرلەمانی عێراق: هەوڵێک بۆ بڕینی قوتی خەڵكی کوردستان هەیە

ئاڤا نیوز

دوای کۆکردنەوەی واژۆ لەسەر مافەکانی خەڵکی کوردستان، لەلایەن پەرلەمانتارانی ناوەڕاست و خوارووی عێراق، فراکسیۆنی پارتی هاتە دەنگ و  لەمبارەیەوە دەڵێت 'ئەمە هەوڵێکە بۆ بەئامانجگرتنی قوتی خەڵکی کوردستان'.

وێنە گەورەکە: ماوەی چەند چەند ساڵێکە کێشە لەنێوان هەرێمی کوردستان و حکومەتی فیدراڵ لەبارەی مووچە و بودجە هەیە و دەسەڵاتدارانی بەغدا بە بیانووی جۆراوجۆر مووچەی مووچەخۆرانی هەرێمی کوردستانیان بڕیوە و یان شایستە داراییەکانی هەرێمی کوردستانیان کەمتر ناردووە. هاوکات ئەمڕۆ چەند پەرلەمانتارێکی ناوەڕاست و خوارووی عێراق هەڵساون بە کۆکردنەوەی واژۆ وەک هەوڵێک لە دژی قوتی خەڵکی کوردستان و ناویان ناوە " كۆكردنه‌وه‌ی ئیمزای په‌رله‌مانتارانی ناوه‌ڕاست و باشووری عێراق".

 

ڕاگەیێنراوی فەرمی: فراکسیۆنی پارتی ڕایگەیاند:

- کۆکردنەوەی واژۆ لەسەر مافەکانی گەلی کوردستان بە ئاشکرا، هەوڵێکە بۆ بە ئامانجگرتنی هەرێمی کوردستان و قوتی خەڵکەکەی، ئەوانە مەبەستیانە مووچە بیبڕن.

- بەگوێرەی ڕاگەیێنراوەکە؛ ئەم هەوڵە پێچەوانەی دۆخی خراپی پارێزگاکانی ناوەڕاست و باشووری عێراقیشە، سەرەڕای ئەوەی زۆرترین بەشە بودجەیان بۆ تەرخان دەکرێت، بەڵام لە سادەترین خزمەتگوزاری بێبەشن، دەبێت بپرسین ئەو بودجەیە بۆچی بەکاردەهێنرێت و لە چیدا خەرج دەکرێت؟.

- هەرێمی کوردستان نزیکەی 6.5%ی بودجەی گشتیی عێراقی بۆ ڕەوانە دەکرێت، بەڵام 93.5%ی بودجە بۆ شارەکانی ناوەڕاست و خوارووی عێراق خەرج دەکرێت.