وەزارەتی بەرگری تورکیا کوژرانی 13 گەریلای پەکەکەی لە هەرێمی کوردستان ڕاگەیاند

ئاڤا نیوز 

 

وەزارەتی بەرگریی تورکیا، کوژرانی 13 گەریلای پەکەکەی لە ناوچە سنوورییەکانی گارە، مەتین و خواکورک لە هەرێمی کوردستان ڕاگەیاند. لە بەرامبەردا پەکەکە هەواڵەکەی پشتڕاستنەکردووەتەوە. 

 

وێنە گەورەکە: وەزارەتی بەرگریی تورکیا، لە پەڕەی فەرمی خۆی لە ئێکس، دیمەنێکی هێرشەکانی فرۆکە سەربازییەکانی تورکیای بۆ سەر مۆڵگە و پێگەکانی پەکەکە لە ناوچە سنوورییەکانی نێوان هەرێمی کوردستان و تورکیا بڵاوکردووەتەوە، نووسیویەتی"بەردەوامین لە بەرەنگاربوونەوەی تیرۆر".

 

ڕاگەیێنراوی فەرمی: وەزارەتی بەرگریی تورکیا ڕایگەیاند: لە ئۆپەراسیۆنێکی هێزە سەربازییەکانی تورکیا بۆ ناوچەکانی گارە، مەتین و خواکورک، 13 گەریلای پەکەکە کراونەتە ئامانج. 

 

 گۆشەیەکی دیکەی ڕووداوەکە: ئەم ڕاگەیێنراوەی وەزارەتی بەرگری تورکیا لە کاتیکدایە کە هاکان فیدان، وەزیری دەرەوەی تورکیا بەسەردانێکی فەرمی لە بەغدایە و بەپێی میدیاکانی تورکیا ئامانجی سەردانەکەی کاری هاوبەشە لەگەڵ عێراق بۆ " بەرەنگاربوونەوەی پەکەکە".

 

ئەوەش بزانە: تاوەکو ئێستا میدیاکانی پەکەکە ئەوەی پشتراست نەکردووەتەوە و هیچ لێدوانێکیان نەداوە.