کۆچبەران گیریان خواردووە؛ ئەمریکا دەیانێرێتەوە و وڵاتەکانیان وەریانناگرنەوە

ئاڤا نیوز

دۆناڵد ترەمپ دوای دەستبەکاربوونی، فەرمانێکی واژۆ کرد بۆ ناردنەوەی ئەو کۆچبەرانەی بە نایاسایی خۆیان گەیاندووەتە ئەمریکا.

چیرۆکی سەرەکی: پێنجشەممەی ڕابردوو، ئەمریکا یەکەم گرووپی کۆچبەرانی مەکسیکی بە فڕۆکەیەکی سەربازی نارد بۆ مەکسیک، بەڵام بە وتەی دوو بەرپرسی ئەمریکی، حکومەتی مەکسیک ڕەتیکردووەتەوە ڕێگە بە نیشتنەوەی ئەو فڕۆکانەی ئەمریکا بدات کە کۆچبەرانییان هەڵگرتووە.

 

لێدوانە فەرمییەکان: لەسەر ناردنەوەی کۆچبەران بۆ وڵاتەکانیان، هەریەکە لە سەرۆکانی مەکسیک و کۆڵۆمبیا نیگەرانی خۆیان بەو بڕیارە دەربڕی.

٠ کلۆدیا شاینبام، سەرۆکی مەکسیک: دژی بڕیارەکەی ترەمپم بۆ ناردنەوەی کۆچبەران و گرتنەبەری ڕێوشوێنەکان بە شێوەیەکی تاکلایەنە، چونکە ئیدارەی ترەمپ هەماهەنگیان لەگەڵ نەکردووین.

٠ گۆستاڤۆ پێترۆ، سەرۆکی کۆڵۆمبیا: کۆچبەر تاوانبار نییە و دەبێت بە کەرامەتەوە مامەڵەی لەگەڵدا بکرێت بەوجۆرەی مرۆڤ شایەنیەتی، ناتوانم ڕێگە بدەم کۆچبەران لە وڵاتێکدا بمێننەوە کە ئەوانی ناوێت بەڵام دەبێت بە کەرامەت و ڕێزەوە بنێردرێنەوە بۆ وڵاتەکەمان.

لەلایەکی دیکەوە: وەزارەتی دەرەوەی بەڕازیل داوای ڕوونکردنەوەی لە ئیدارەی ترەمپ کرد لە بەرامبەر ئەو ڕەفتارە خراپەی بەرامبەر بە کۆچبەرانی بەڕازیل لە ئەمریکا کراوە، کە وەک تاوانبار مامەڵەیان لەگەڵ کراوە و کەلەپچە کرابوون.

باکگراوند: نزیکەی 48 ملیۆن کۆچبەر لە ئەمریکا هەن و لەسەدا 14.3 دانیشتوانی ئەمریکا پێکدەهێنن، تەنیا لە ماوەی دوو رۆژی سەرەتای ناردنەوەی کۆچبەران، ئەمریکا هەزار و 131 کۆچبەری دەستگیرکردووە و بە فرۆکە ناردوونیەتەوە بۆ ولاتەکانیان لە ئەمریکای لاتین.