کۆڵۆمبیا ترەمپ توڕە دەکات

ئاڤا نیوز

 

جێبەجێکردنی بڕیاری ترەمپ بۆ ناردنەوەی کۆچبەران کێشەی تێکەوتووە، کۆچبەرەکان گیرایان خواردووە و وڵاتەکانیان وەریان ناگرنەوە، ناهێڵن ئەو فڕۆکانەی کۆچبەران لە ئەمریکاوە دەگوزانەوە بنیشنەوە، ئەمەش ترەمپی تووڕە کرد و لە بڕیاڕیکی لەناکاودا سزای بەسەر وڵاتێکدا سەپاند.

 

وێنە گەورەکە:  لە یەکەم ڕۆژی دەستبەکاربوونیدا ترەمپ بڕیاریدا بە ناردنەوەی کۆچبەران بۆ وڵاتەکانیان و زیاتر لە هەزار کۆچبەر لە ڕێگەی فڕۆکەوە نێردرانەوە بۆ ئەمریکای لاتین بەڵام بەشێک لە وڵاتانی ئەو ناوچەیە ڕەتیانکردەوە کە ڕێگە بە نیشتنەوە ئەو فڕۆکانەی ئەمریکا بدەن.

 

لێدوانی فەرمی: دۆناڵد ترەمپ، سەرۆکی ئەمریکا لەو بارەیەوە ڕایگەیاند: ڕەتکردنەوەی وەرگرتنەوەی کۆچبەران لەلایەن کۆڵۆمبیاوە ئاسایشی نیشتمانی و سەلامەتی گشتی ئەمریکا دەخاتە مەترسییەوە، بۆ ئیدارەکەی ڕاسپاردووە بەپەلە ژمارەیەک ڕێوشوێن بگرنەبەر:

 

-    سه‌پاندنی باجی گومركی‌ به‌ ڕێژه‌ی 25% له‌سه‌ر هه‌موو ئه‌و كاڵایانه‌ی‌ له‌ کۆڵۆمبیاوە دێنه‌ ئه‌مریكا.

-    قه‌ده‌غه‌كردنی گه‌شتكردن و هه‌ڵوه‌شاندنه‌وه‌ی ڤیزا بۆ به‌رپرسانی كۆڵۆمبیا.

-    به‌هێزكردنی پشكنین لە گومرگ و سنووره‌كانی ئەمریکا لەگەڵ كۆڵۆمبیا.

-    سه‌پاندنی سزا بەسەر گه‌نجینه‌ و بانك و کەرتی ئابووری کۆڵۆمبیا به‌پێی یاسای ئابووری مرۆیی نێوده‌وڵه‌تیی.

 

باکگراوند: هەریەک لە وڵاتانی کۆڵۆمبیا و مەکسیک و بەرازیل نیگەرانی خۆیان لە شێوازی مامەڵەکردن لەگەڵ کۆچبەران لەلایەن ئەمریکاوە دەربڕیوە و ڕێگەیان نەدا ئەو فڕۆکانەی ئەمریکا کە کۆچبەرانیان هەڵگرتبوو لە وڵاتەکانیان بنیشنەوە.