عێراق یاداشتێکی لێکتێگەیشتن لەگەڵ بازاڕی ئەبوزەبی بۆ کاغەزە داراییەکان واژۆ دەکات

ئاڤا نیوز

بە ئامانجی بەهێزکردن و گەشەپێدانی چاودێریی ڕۆژانەی ئاڵوگۆڕە داراییەکان و گەیشتن بە وەبەرهێنەرانی بیانی، دەستەی کاغەزە داراییەکانی عێراق و بازاڕی ئەبوزەبی بۆ کاغەزە داراییەکان یاداشتێکی لێکتێگەیشتنیان واژۆ کرد.

چیرۆکی سەرەکی: عێراق خواستی ئەوەی هەیە لەڕێگەی بازاری ئەبوزەبی بۆ کاغەزە داراییەکان بگاتە وەبەرهێنەران، بەتایبەتیش کە بازاڕەکە دەرفەتی گەیشتن بە 6.5 مليۆن وەبەرهێنەر دابین دەکات.

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق بڵاویکردەوە، بە چاودێری محەممەد شیاع سوودانی سەرۆکوەزیران، دەستەی کاغەزە داراییەکانی عێراق و بازاڕی ئەبوزەبی بۆ کاغەزە داراییەکان یاداشتێکی لێکتێگەیشتنیان واژۆ کرد.

بەشێک لە بوارەکانی هەماهەنگی نێوان بازاڕی ئەبوزەبی بۆ کاغەزە داراییەکان و دەستەی کاغەزە داراییەکانی عێراق:

- بەهێزکردنی چاودێری لەسەر ئاڵوگۆڕی دارایی ڕۆژانە لە بازاڕدا، کۆمپانیاکانی نێوەندگیر، بەکارهێنانی تەکنەلۆژیا لە هەموو بوارە داراییەکان

- ڕێکارەکانی مۆڵەتی تایبەت بە سندوقی وەبەرهێنانی خانووبەرە (REIT)

- ڕاهێنان لە بوارەکانی چاودێری، بەکارهێنان و گەرەنتیکردنی ئاڵوگۆڕەکان، بەئەلیکترۆنیکردن و شیکاریی دارایی، بەڕێوەبردنی سندووقەکان و چاودێریکردنیان

- پێداویستیی و ڕێکارەکانی کردنەوەی هەژمار بۆ وەبەرهێنەرانی بیانی لە دەرەوەی وڵات

- هاندانی وەبەرهێنانی ئیماراتی بۆ دامەزراندنی کۆمپانیای عێراقی بە سەرمایەی ئیماراتی-عێراقی و کارپێکردنی لە بازارەکانی هەردوولادا.