لە ماوەی ساڵێکدا 374 بەنزینخانە لە دهۆک و زاخۆ سزا دراون

ئاڤا نیوز

لیژنەی سووتەمەنی نەوت و کانزاکانی دهۆک و زاخۆ ڕۆژانە پشکنین بۆ نزیکەی 40 بەنزینخانە دەکەن، لە جۆر و کوالێتی بەنزینەکەیان دەکۆڵنەوە، ئەو بەنزینخانانەی پێشێلی ڕێنماییەکانیان دەکەن بەگوێرەی سەرپێچییەکە سزای دارایی دەدرێن و دادەخرێن.

وێنە گەورەکە: لە دهۆک و زاخۆ 227 بەنزینخانەی حکومی و ئەهلی هەن و ڕۆژانە لەلایەن لیژنە بەرکارەکانی بەدواداچوونی سووتەمەنی لەژێر  ڕێنمایی وەزارەتی سامانە سرووشتییەکان پشکنینیان بۆ دەکرێت، لە کوالێتی و جۆری بەنزینەکانیان دەکۆڵنەوە و سزایان بۆ دەبڕنەوە.

لێدوانی فەرمی: کارزان ڕەئوف، بەڕێوەبەری نەوت و کانزاکانی دهۆک بە ئاڤای گوت، "160 بەنزینخانە لەسنووری دهۆک هەیە، ڕۆژانە 20 بەنزینخانە بەسەر دەکرێنەوە، مانگی یەک 7 بەنزینخانە و ساڵی ڕابردوو 373 بەنزینخانە سزادراون."

لەلایەکی دیکەوە: ئاراز هاشم، بەڕێوەبەری نەوت و کانزاکانی زاخۆ بە ئاڤای ڕاگەیاند، "بەبێ پشکنین ناهێڵدرێت هیچ بەنزینێکی خراپ داخلی زاخۆ بکرێت، بۆیەش لەماوەی یەک ساڵدا 60 بەنزینخانەی سنوورەکە سزادراوە، ڕۆژانەش 15 بەنزینخانە پشکنینیان بۆ دەکرێت.