بەغدا بەشێک لە مووچەی مامۆستایانی هەرێمی کوردستان دەبڕێت

ئاڤا نیوز

حکومەتی عێراق بەهۆی هاوتانەبوونی مووچەی مامۆستایانی هەرێمی کوردستان لەگەڵ مامۆستایانی عێراق ناچار دەبێت 150 هەزار دینار لە هەر  مامۆستایەکی کوردستان ببڕێت. 

 

چیرۆکی سەرەکی: حکومەتی هەرێمی کوردستان پێش دروستبوونی قەیرانی ئابووری لە هەرێمی کوردستان، بە بڕیارێک 150 هەزار دیناری بۆ مووچەی مامۆستایان زیاد کرد کە وەکو دەرماڵە خەرج دەکرا، ئەم بڕیارە ناوچەکانی دەرەوەی ئیدارەی هەرێمی کوردستانیشی دەگرتەوە.

 

لێدوانی فەرمی: نەجووە حەمید کاکەیی، ئەندامی لیژنەی پەروەردە لە پەرلەمانی عێراق بە ئاڤا نیوزی ڕاگەیاند: کاتی خۆی ئەم بڕیارە درا و  بڕی 150 هەزار دینار بۆ مووچەی مامۆستایان وەکو دەرماڵە زیاد کرا، بەڵام لە عێراق بەمشێوەیە نییە، بۆیە بەم بڕیارەی دادگەی فیدراڵی ئەم 150 هەزار دینارە دەبڕدرێت، بەهۆی ئەوەی لە عێراق ئەم بڕیارە نییە و ناچارن مووچەکان هاوتای یەکتر بکەنەوە. 

 

زانیاریی زیاتر: لە ئەگەری جێبەجێکردنی ئەم بڕیارە بۆ هاوتاکردنی مووچەی مامۆستایانی هەرێمی کوردستان و عێراق زیاتر لە 24 ملیار دینار دەگەڕێتەوە بۆ بەغدا.