تورکیا بەبڕی 20 ملیار دۆلار کاڵای هەناردەی ئەفریقا کردووە

ئاڤا نیوز

 

قەبارەی هەناردەی تورکیا لە ساڵی 2024 بەرزدەبێتەوە بۆ 261 ملیار و 855 ملیۆن دۆلار، لەم بڕەش نزیکەی 20 ملیار دۆلاری بۆ وڵاتانی ئەفریقا بووە.

 

وێنە گەورەکە: هەناردەی تورکیا بۆ وڵاتانی ئەفریقیا لە بەرزبوونەوەدایە، ئەم گەشەسەندنە لەسەر بنەمای پلانی ستراتیجی ئەو وڵاتە بنیاتنراوە کە لە ساڵی 2003 بۆ گەشەپێدانی پەیوەندییە بازرگانی و ئابووری و تەکنەلۆژییەکان و هەماهەنگی گشتی لەگەڵ وڵاتانی ئەفریقی پلانی بۆ دانراوە.

 

زانیاریی زیاتر: بەگشتی تورکیا بەرهەمی بۆ 56 وڵاتی ئەفریقی هەناردە کردووە، دیارترین کەرتەکان بریتین لە ماددە و بەرهەمە کیمیاییەکان و دانەوێڵە، پەلەوەر، تۆوی ڕۆنی و بەرهەمەکانی، پۆڵا و کەرەستە و ئامێرە ئەلیکترۆنی و کارەباییەکان کە 7.4٪ ی کۆی هەناردەکانی تورکیا لە ساڵی 2024 پێکدەهێنێت. 

 

ئەوەی پێویستە بیزانیت: هەریەک لە وڵاتانی میسر بە 3.5$ ملیار و مەغریب بە 3.1$ ملیار و لیبیا بە 2.5$ ملیار دۆلار لە ڕیزبەندی ئەو وڵاتە ئەفریقییانەن کە تورکیا هەناردەی بۆ کردوون.

 

ئەمەش بزانە: ئاستی هەناردەی تورکیا لە ساڵی 2024 بەراورد بە ساڵێک پێشووتر 2.4٪ زیادیکردووە و بڕەکەی بەرزبۆتەوە بۆ 261 ملیار و 855 ملیۆن دۆلار. ئاستی هاوردەکردنی لە 2024 بەراورد بە ساڵێک پێش خۆی 5٪ دابەزیوە و گەیشتووەتە 344 ملیار و 20 ملیۆن دۆلار.