لە شارەزوور توێژەرێک ڕێگەیەکی نوێی پشکنینی خوێن دەدۆزێتەوە

ئاڤا نیوز

لە نەخۆشخانەی گشتی شەهید ڕەئوف بەگی شارەزوور، توێژەرێک ڕێگەیەکی نوێی پشکنینی خوێن دەدۆزێتەوە.

چیرۆکی سەرەکی: کارمەندێکی بانکی خوێن لە نەخۆشخانەی گشتی شەهید ڕەئوف بەگی شارەزوور، دوای حەوت ساڵ لە توێژینەوە، ڕێگەیەکی نوێی بۆ پشکنینی خوێن دۆزیوەتەوە کە پێویستی بە بەکارهێنانی مادەکانی Anti Human Globulin و Bovine serum نییە.

لێدوانی فەرمی: د. سوهەیب حسێن کاکەمەد، کە خاوەنی بڕوانامەی ماستەرە لە شیکاری خوێن و ئێستا قوتابی دکتۆرایە لە زانکۆی پزیشکی کوردستان لە ئێران، بە ئاڤا میدیای ڕایگەیاند؛  لە ماوەی توێژینەوەکەیدا زیاتر لە 31 هەزار نموونەی خوێنی تاقیکردۆتەوە.

 

بۆچی گرنگە: ئەنجامەکانی توێژینەوەکە دەریخستووە کە ڕێگە نوێیەکە هەمان ئاستی سەلامەتی هەیە وەک ڕێگە کۆنەکە، کە ڕێژەی سەرکەوتنەکەی گەیشتۆتە 100%. ئەم دۆزینەوەیە بە تایبەتی گرنگە بۆ ئەو شوێنانەی کە حاڵەتی لەناکاویان هەیە.