تورکیا فڕۆکەی F-16 لە سووریا جێگیر دەکات

ئاڤا نیوز

 

سووریا داوای پاڵپشتیکردن لە تورکیا دەکات بۆ ئەوەی سەرلەنوێ سووپای سووریا بنیادبنێتەوە، بۆ ئەو مەبەستەش پێشبیینی ئەنجامدانی ڕێکەووتنێکی نوێ لەنێوان تورکیا و سووریا دەکرێت.

 

چیرۆکە سەرەکییەکە: دوای ناساندنی وەک سەرۆککۆماری سووریا لە قۆناغی ڕاگوزەر، ئەحمەد شەرع بەنیازە سەردانی ئەنقەرە بکات و لەگەڵ ڕەجەب تەیب ئەردۆغان سەرۆککۆماری تورکیا کۆببێتەوە و دەنگۆی واژووکردنی ڕێککەوتنێکی نوێ لەنێوان ئەم دوو وڵاتە هەیە.

 

ڕێککەوتنەکە بەمشێوەیەیە: میدیاکانی تورکیا بەمشێوەیە ئاماژە بە ناوەرۆکی ڕێکەوتنە نوێیەکە دەکەن لەگەڵ سووریا:
•    تورکیا ڕاهێنان بە هێزی سەربازی و فرۆکەوانە سوورییەکان دەکات.
•    تورکیا دوو بنکەی سەربازی لە سووریا دادەمەزرێنێت.
•    تورکیا فرۆکەی شەڕکەری F-16  لە سووریا جێگیر دەکات.

 

ئەوەی پێویستە بیزانیت: بەر لە سەردانەکەی بۆ تورکیا، سەرۆککۆماری ڕاگوزەری سووریا ئەحمەد شەرع لە ڕوونکردنەوەیەکدا دەڵیت "ئەوان تورکیایان لەوە دڵنیاکردووەتەوە لەوەی لە داهاتووی سووریا پەکەکە بوونی نابێت".