ئەمشەو کارەبای هەشت گەڕەکی دیكەی هەولێر دەکرێت بە 24 کاتژمێری

ئاڤا نیوز:

هەزاران خێزانی دیکە کە دانیشتووی هەشت گەڕەکی هەولێرن، لە پڕۆژەی ڕووناکی سوودمەند دەبن، بەمەش زیاتر لە 184 هەزار هاوبەش کارەبایان دەبێتە 24 کاتژمێری، لە پارێزگاكانی دهۆک، سلێمانی و هەڵەبجەش پشکنینی تەکنیکی کراوە و بەمزووانە پڕۆژەکە لەو پارێزگایانەش جێبەجێ دەکرێت.

وێنە گەورەکە: پڕۆژەی ڕووناکی یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، ماوەی زیاتر لە شەش مانگە دەستیپێکردووە و لە تەواوی شارەکانی هەرێمی کوردستان دەست بە فراوانکردنی پرۆژەکە دەکرێت، بڕیارە تا هاوینی ساڵی 2026، کارەبای تەواوی هەرێمی کوردستان بە پرۆژەی ڕووناکی بکرێتە 24 کاتژمێری.

لێدوانی فەرمی: ڕێبین کامەران، بەرپرسی پەیوەندییەکانی پرۆژەی ڕووناکی، بە ئاڤا میدیای ڕاگەیاند: هەموو ئامادەکارییەک کراوە و ئەمشەو بەچەند قۆناغێک کار لەسەر پرۆسەکە دەکرێت، لە کاتژمێر 12ـی دوای نیوەشەو کارەبای ئەو هەشت گەڕەکە، دەبێت بە 24 کاتژمێری.

گەڕەكەكان كامانەن: هەریەك لە گەڕەكەكانی: كوران، ڕزگاری، كوردستان، بەهاری كۆن، كرێكاران، ئازادی، ڕاستی و مەجیداوە ئەو هەشت گەڕەكە نوێیەن كە دەچنە نێو پڕۆژەی ڕووناكی.

ئەوەی پێویستە بیزانیت: پێشتر پڕۆژەی ڕووناكی لە گەڕەكەكانی شادی، نازناز، بەختیاری، سەربەستی جێبەجێ كرابوون.

ئەمەش بزانە: ئێستا لە هەولێر 50 هەزار و 700 هاوبەش، كارەبای 24 كاتژمێرییان هەیە، كە 184 هەزار و 100 هاووڵاتیی هەولێر سوودمەندن.