لە کەرکووک دووکان و گەراجی هاونیشتمانیانی کورد تێکدەدرێت

ئاڤا نیوز

 

هێزێکی ئەمنی لە کەرکووک ژمارەیەک دووکان و گەراجی هاونیشتمانیانی کوردی گەڕەکی پەنجا عەلی بە شۆفڵ تێکدەدەن؛ بەرێوبەری بنکەی پۆلیسی عروبە دەڵێت، ئاگادار نین. 

 

لێدوانی فەرمی: محەممەد سەعید، یەکێک لە دووکاندارەکانە و بە ئاڤا نیوزی ڕاگەیاند: "پاش نیوەرۆی ئەمرۆ بەبێ ئەوەی ئاگادار بکرێینەوە، هێزێکی ئەمنی هاتنە سەرمان و بەشێکی زۆری دووکانەکانیان ڕووخاند".

 

بۆچوونی لایەنی بەرامبەر: عەقید فەرهاد، بەرێوبەری بنکەی پۆلیسی عروبە بە ئاڤا نیوزی ڕاگەیاند: "ئاگادار نین ئەگەر هەڵمەتێک بۆ تێکدانی زێدەڕۆییەکان لەلایەن لیژنەکانی قایمقامیەتەوە دەستی پێکردبێت".

 

زانیاریی تایبەت: هێزە ئەمنییەکانی کەرکووک بەنیازن چەندین دووکانی دیکەی گەڕەکەکە تێکبدەن و ئێستاش بە بیانووی دروستکردنی یەکەی نیشتەجێبوون، هەوڵدەدرێت دانیشتووانی ئەو گەڕەکە دەربکرێن.